فنڈز کا بروقت استعمال نہ کرنے والی حکومت کو عوام پر حکمرانی کا کوئی حق نہیں، ہارون بشیر بلور
حکومت نے صوبے کو ترقی ،انصاف کی بجائے تباہی کے دہانے پر لا کھڑا کیا ہے صوبے میں ملٹی ڈونر ٹرسٹ فنڈ کے زیر انتظام چلنے والے اربوں روپے کے تین اہم منصوبے بند کردیئے گئے ہیں،ترجما ن عوامی نیشنل پارٹی
جمعہ 22 جولائی 2016 18:46
پشاور(اُردو پوائنٹ اخبارتازہ ترین - این این آئی۔22 جولائی ۔2016ء) عوامی نیشنل پارٹی کے صوبائی ترجمان ہارون بشیر بلور نے کہا ہے کہ صوبے میں عالمی اداروں کے منصوبوں کی بندش صوبائی حکومت کی نا اہلی کا منہ بولتا ثبوت ہے، اپنے ایک بیان میں انہوں نے کہا کہ جو حکومت صوبے کی ترقی اور خوشحالی کیلئے فنڈز کا بروقت استعمال کرنے کی صلاحیت نہیں رکھتی اسے عوام پر حکمرانی کا بھی کوئی حق نہیں ، انہوں نے کہا کہ موجودہ حکومت نے صوبے کو ترقی اور انصاف کی بجائے تباہی کے دہانے پر لا کھڑا کیا ہے،ہارون بشیر بلور نے کہا کہ اے این پی نے حکومت چھوڑتے وقت صوبے میں تعلیمی اصلاحات سمیت یونیورسٹیوں ، کالجوں اور سکولوں کے قیام کے باوجود خزانے میں اربوں روپے چھورے تھے جبکہ موجودہ حکومت کے پاس ملازمین کی تنخواہیں ادا کرنے کے بھی پیسے نہیں، انہوں نے کہا کہ حکومت 12ارب روپے می مقروض ہو چکی ہے جس سے ان کی خفیہ کرپشن اور نا تجربہ کاری کا اندازہ لگایا جا سکتا ہے، انہوں نے کہا کہ صوے میں ملٹی ڈونر ٹرسٹ فنڈ کے زیر انتظام چلنے والے اربوں روپے کے تین اہم منصوبوں کو صرف اس وجہ سے بند کر دیا گیا ہے کیونکہ صوبائی حکومت کو احتجاجی تحریکوں اور دھرنوں سے ہی فرصت نہیں ملتی اور صوبے کے عوام کو ان اہم منصوبوں کے ثمرات سے ہی محروم کر دیا گیا ہے، انہوں نے مزید کہا کہ خود کو اقتصادی ماہرین کہنے والوں نے صوبے کا حلیہ بگاڑ دیا ہے ، صوبائی ترجمان نے مزید کہا کہ تبدیلی جذباتی نعروں سے ہی بلکہ عملی اقدامات سے آتی ہے اور موجودہ حکومت کا چہرہ عوام کے سامنے کھل کر سامنے آ چکا ہے ، انہوں نے کہا کہ صوبے کے عوام پی ٹی آئی کو ووٹ دینے کے اپنے فیصلے پر پچھتا رہے ہیں اور 2018میں عوام ان حکمرانوں کی ضمانتیں ضبط کرائینگے۔
متعلقہ عنوان :
مزید اہم خبریں
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.