قندیل بلوچ قتل کیس میں مفتی عبدالقوی کی بھی شامل تفتیش

تحقیقات سے گھبرانے والا نہیں جو حقیقت ہوگی بتادوں گا، مفتی قوی

پیر 18 جولائی 2016 17:35

ملتان(اُردو پوائنٹ اخبارتازہ ترین - آن لائن۔18 جولائی ۔2016ء) پولیس نے قندیل بلوچ قتل کیس میں مفتی عبدالقوی کی بھی شامل تفتیش کر لیا گیا جبکہ مفتی عبدالقوی کا کہنا ہے کہ تحقیقات سے گھبرانے والا نہیں جو حقیقت ہوگی بتادوں گا، تفصیلات کے مطابق پیر کے روز ماڈل قندیل بلوچ کے کیس میں اہم پیش رفت ہوئی سی پی او ملتان اظہر اکرام کا کہنا ہے کہ مفتی عبدالقوی کو بھی تفتیش میں شامل کر کے تحقیقات کا دائرہ وسیع کر دیا جائے گا، فرانزک رپورٹ کا انتظار ہے،ک قندیل بلوچ سے جتنے لوگ بھی رابطے میں تھے سب سے تفتیش کرنے کا فیصلہ کیا گیا ہے،قندیل بلوچ کے قاتل بھائی نے اعتراف جرم کرتے ہوئے پولیس کو بیان میں بتایا کہ مفتی عبدالقوی کے ساتھ تصاویر اور ویڈیو کے بعد لوگوں کی باتوں سے تنگ اکر قندیل بلوچ کو قتل کیا، مفتی عبدالقوی ننے سی پی اوملتان اظہر اکرام کے بیان پردرعمل دیتے ہوئے کہا کہ ابھی تک پولیس نے مجھ سے کوئی رابطہ نہیں کیا، جب پولیس رابطہ کرے گی تو سب کچھ سچ بیان کروں گا، مزید ان کا کہنا ہے کہ تفتیش سے گھبرانے والا نہیں، قندیل بلوچ کا قتل ان کے اہل خانہ کا ذاتی مسئلہ ہے اور قندیل بلوچ کو غیرت کے نام پر قتل کیا گیا، میرا قندیل بلوچ کے قتل سے کسی قسم کا کوئی تعلق نہیں ہے۔