پاکستان نے سعودی عرب میں ہونے والے دھماکوں میں ملوث مبینہ پاکستانی کی تفصیلات سعودی حکام کو فراہم کر دیں

محمد علی پیر 11 جولائی 2016 21:23

اسلام آباد (اْردو پوائنٹ تازہ ترین اخبار۔11جولائی 2016ء) پاکستان نے سعودی عرب میں ہونے والے بم دھماکوں میں ملوث مبینہ پاکستانی کی تفصیلات سعودی حکام کو فراہم کر دی ہیں۔ تفصیلات کے مطابق سعودی عرب میں عید الفطر سے 2 روز قبل ہونے والے بم دھماکوں کی تحقیقات کے سلسلے میں پیش رفت ہوئی ہے۔ اس حوالے سے پاکستانی اور سعودی انٹیلی جنس حکام مسلسل رابطے میں ہیں۔

(جاری ہے)

اب پاکستان کی جانب سے بم دھماکوں میں ملوث مبینہ پاکستانی کی تفصیلات سعودی حکام کو فراہم کر دی گئی ہیں۔ وزرات داخلہ جانب سے کہا گیا ہے کہ گلزار نامی شخص تواتر سے پاکستان آیا جایا کرتا تھا تاہم تاحال اس کے پاکستانی ہونے کی تصدیق نہیں ہو سکی ہے۔ اس حوالے سے اب تک جتنی بھی معلومات اکٹھی ہوئی ہیں وہ سب سعودی حکام کے حوالے کر دی گئی ہیں۔