عوام کے جان و مال کے تحفظ اور سنگین جرائم کی بیخ کنی کے لئے ہر ضروری قدم اٹھایا جائے‘شہباز شریف
بچوں کے اغوا کی وارداتوں کا تجزیہ کرنے اورملوث گروہ کا سراغ لگانے کے لئے خصوصی ٹیمیں تشکیل دینے کی ہدایت آئندہ اگر کہیں ون ویلنگ کا واقعہ ہوا تو ذمہ دار پولیس افسران کیخلاف سخت کارروائی عمل میں لائی جائیگی‘وزیر اعلیٰ پنجاب کا خطاب
پیر 11 جولائی 2016 20:43
لاہور ( اُردو پوائنٹ اخبارتازہ ترین - این این آئی۔11 جولائی ۔2016ء) وزیر اعلیٰ پنجاب محمد شہباز شریف کی زیر صدارت اعلی سطح کا اجلاس منعقد ہوا جس میں صوبے میں امن و امان کی صورتحال، جرائم کی بیخ کنی سمیت دیگر مختلف امور کا تفصیلی جائزہ لیا گیا ۔
(جاری ہے)
وزیر اعلی پنجاب محمد شہباز شریف نے اجلاس سے خطاب کرتے ہوئے کہا کہ عوام کے جان ومال کا تحفظ اولین ترجیح ہے -عوام کے جان و مال کے تحفظ اورسنگین جرائم کی بیخ کنی کیلئے ہر ضروری اقدام اٹھایا جائے اور بچوں کے اغوا کی وارداتوں کی روک تھام پرخصوصی توجہ مرکوز کی جائے- انہوں نے کہا کہ بچوں کے اغوا میں ملوث گروہ کا سراغ لگا کر اسے نشان عبرت بنایا جائے-اغوا کی وارداتوں کا تجزیہ کیا جائے اورملوث گروہ کا سراغ لگانے کے لئے خصوصی ٹیمیں تشکیل دی جائیں اورسات روز کے اندر کیسوں پر ہونے والی پیشرفت سے آگاہ کیا جائے - وزیراعلی نے اجلاس میں موجود مغوی بچوں کے لواحقین کو گلے لگا کر دلاسہ دیا اور یقین دہانی کرائی کہ آپ فکر نہ کریں ،مغوی بچوں کی بحفاظت بازیابی یقینی بنائی جائے گی-انہوں نے کہا کہ اغوا ہونے والے بچوں کے والدین کے دکھ کو سمجھتا ہوں -اس لئے بچوں کی بازیابی کے لئے کوئی کسر اٹھا نہ رکھی جائے اور آئندہ ایسے واقعات کی روک تھام کے لئے موثر حکمت عملی اپنائی جائے- وزیر اعلی نے کہا کہ ون ویلنگ کے باعث قیمتی انسانی جانوں کے ضیاع پر افسوس ہوا ہے - ون ویلنگ کی روک تھام کے لئے موثر اقدامات ضروری ہیں - وزیر اعلی نے ون ویلنگ روکنے کے لئے بروقت کارروائی نہ کرنے پربرہمی کا اظہار کرتے ہوئے کہا کہ کابینہ کمیٹی وزیر اعلی معائنہ ٹیم کی رپورٹ کا جائزہ لیکر ون ویلنگ کے حوالے سے تساہل برتنے والوں کا تعین کرے-آئندہ اگر کہیں ون ویلنگ کا واقعہ ہوا تومتعلقہ پولیس افسران کے خلاف سخت کارروائی عمل میں لائی جائے گی-انہوں نے کہا کہ 14 اگست کی آمد آمد ہے اس سے قبل ون ویلنگ کی روک تھام کیلئے موثر حکمت عملی اپنائی جائے- وزیر اعلی نے ہدایت کی کہ بس اڈوں ، ریلوے اسٹیشنوں اور رش والے مقامات کی سیکورٹی پر خصوصی توجہ دی جائے -انسپکٹر جنرل پولیس اور سیکرٹری داخلہ نے امن عامہ کی صورتحال کے حوالے سے اٹھائے گئے اقدامات بارے بریفنگ دی-انسپکٹر جنرل پولیس نے بتایا کہ ڈکیتی ، سٹریٹ کرائم اور دیگر جرائم میں کمی واقع ہوئی ہے - اغوا کی وارداتوں کی روک تھام کے لئے خصوصی ٹیمیں تشکیل دی گئی ہیں اور جرائم کی بیخ کنی کے لئے ہر ممکن وسائل بروئے کار لائے جا رہے ہیں- اجلاس میں چیف سیکرٹری ، انسپکٹر جنرل پولیس ، سیکرٹری داخلہ اور پولیس حکام نے شرکت کی-بادامی باغ سے اغوا ہونے والے بچوں کے لواحقین نے بھی اجلاس میں شرکت کی۔
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.