جب تک پارٹی کی اندرونی گروہ بندیاں ختم نہیں کی جائیں گی پانامہ لیکس کیخلاف احتجاجی تحریک کامیاب نہیں ہو سکتی‘ زبیر خان
خوشامدی اور پیسے والہ ٹولہ پی ٹی آئی پر ہاوی ہو چکا ،عمران خان انصاف کریں ‘ پی ٹی آئی لیبر ونگ کے مزکزی صدر کی دیگر کے ہمراہ پریس کانفرنس
پیر 11 جولائی 2016 20:37
لاہور (اُردو پوائنٹ اخبارتازہ ترین - این این آئی۔11 جولائی ۔2016ء ) پاکستان تحریک انصاف لیبر ونگ کے مرکزی صدر محمد زبیر خان نے کہا ہے کہ جب تک پارٹی کی اندرونی گروہ بندیاں ختم نہیں کی جائیں گی پانامہ لیکس کے خلاف احتجاجی تحریک کامیاب نہیں ہو سکتی ، خوشامدی اور پیسے والہ ٹولہ پی ٹی آئی پر ہاوی ہو چکا ہے اور سب سے زیادہ نقصان پہنچا رہا ہے،عمران خان پارٹی کے اندر انصاف کریں ۔
ان خیالات کا اظہار انہو ں نے گزشتہ روز لاہور پریس کلب میں پریس کانفرنس سے خطا ب کرتے ہوئے کیا ۔اس موقع پر پی ٹی آئی لیبر ونگ کے سینئر نائب صدر ارشد سندھو،صدر سنٹرل پنجاب ر انا سلیم نیاز ، ایڈیشنل سیکرٹری اطلاعات انعام الحق سلیم اور چیف کوآرڈینیٹر پی ٹی آئی الیکشن کمیشن سیما انور بھی موجود تھیں ۔(جاری ہے)
محمد زبیر خان نے کہا کہ نعیم الحق ، عمران اسماعیل ، اسد عمر اور اعجاز چوہدری جیسے خوش آمدی اور پیسے والے لوگ عمران خان کے آگے جمع ہو چکے ہیں اور انہوں نے پارٹی پر اپنا قبضہ جما رکھا ہے ، یہی وہ لو گ ہیں جنہوں نے پارٹی کو سب سے زیادہ نقصان پہنچایا ہے ، اس ٹو لے کی مو جودگی میں وہ اپنی پارٹی سے انصاف نہیں کر پا رہے ، مفاد پرست طبقہ آگے آگے ہے اور اصل کارکنان کی کوئی وقعت و اہمیت ہی نہیں رہی ہے جس کی وجہ سے عمران خان اصل طبقے سے دور ہوتے جا رہے ہیں ۔
انہوں نے کہا کہ اِس وقت پی ٹی آئی پانامہ لیکس کے ایشو پر تمام اپوزیشن جماعتوں اور پاکستانی عوام کو فیصلہ کن تحریک چلانے اور حکمرانوں کے خلاف ایک مشترکہ حکمت عملی کی تیاری کررہی ہے لیکن یہ تمام حکمت عملیاں ناکام ہو کر رہ جائیں گی جب تک پارٹی کی اندرونی گروہ بندیاں ختم نہیں کی جائیں گی ۔ پانامہ لیکس کے خلاف احتجاجی تحریک کو کامیاب بنانے کیلئے پی ٹی آئی لیبر ونگ نے پاکستان کے محنت کش طبقے کو ساتھ چلانے اور احتجاجی تحریک کا حصہ بنانے کا اصولی فیصلہ کیا ہے ، ہم پاکستان بھر کے محنت کشوں اور ٹریڈ یونین کو دعوت دیتے ہیں کہ وہ اپنے حقوق لینے کیلئے ہمارا ساتھ دیں۔ زبیر خان نے کہا کہ ہماری تنظیم نے ملک غلام حسین کو لیبر ونگ پنجاب کا صدر نامزد کیا تھا تاہم وہ اپنی ذمہ داریاں نبھانے میں ناکام رہے اس لیے ان کی جگہ متحرک اور فعال شخصیت میاں طارق محمود کو پنجاب لیبر ونگ کا صدر مقرر کرنے کا نوٹیفکیشن جا ری کر دیا گیا ہے ۔ایک سوال کے جواب میں انہوں نے کہا کہ اسد عمر اور اعجاز چوہدری لیبر ونگ کے معاملات میں مداخلت کرتے ہیں میں ان سے کہتا ہوں کہ وہ ایسا کرنے سے باز رہیں ۔متعلقہ عنوان :
مزید اہم خبریں
-
وزیراعظم محمد شہباز شریف ایک روزہ دورے پر کراچی پہنچ گئے
-
وزیراعظم شہباز شریف نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
سولر پینل بنانے والوں کو 10 سالہ مراعات دینے کی پالیسی تیار
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.