پاکستان اور جرمنی خطے میں امن و استحکام بارے یکساں موقف رکھتے ہیں ،باہمی تعاون جاری رکھیں گے ،سپیکر قومی اسمبلی سردار ایاز صادق کی اپنے جرمن ہم منصب پروفیسر نوربرٹ لیمرٹ سے ملاقات میں گفتگو
پیر 11 جولائی 2016 16:16
برلن ۔ 11 جولائی (اُردو پوائنٹ اخبارتازہ ترین - اے پی پی۔11 جولائی۔2016ء) سپیکر قومی اسمبلی سردار ایاز صادق نے کہا ہے کہ پاکستان اور جرمنی خطے میں امن و استحکام کے قیام کے حوالے سے یکساں موقف رکھتے ہیں اور دونوں ممالک ترقی اور مشترکہ مفادات کے حصول کے لئے باہمی تعاون کا سلسلہ جاری رکھیں گے۔ انہوں نے یہاں اپنے جرمن ہم منصب پروفیسر نوربرٹ لیمرٹ سے جرمن پارلیمنٹ میں ملاقات کی جس میں دونوں رہنماؤں نے دو طرفہ تعلقات میں استحکام کے لئے پارلیمانی و عوامی سطح پر روابط میں اضافے پر اتفاق کیا۔
اس موقع پر سپیکر قومی اسمبلی سردار ایاز صادق نے کہا کہ پاکستان جرمنی کے ساتھ کئی دہائیوں پر مشتمل دوستی کو مضبوطی کے راستے پر گامزن رکھنے کا خواہاں ہے۔ انہوں نے کہا کہ جرمنی پاکستان کا قریبی اتحادی ہے اور مشکل کی گھڑی میں پاکستان کا مددگار ثابت ہوا ہے۔(جاری ہے)
بعدازاں سپیکر قومی اسمبلی نے جرمن پارلیمنٹ کی مختلف پارلیمانی کمیٹیوں سے ملاقاتیں کیں جن میں کمیٹی برائے اقتصادی تعاون و ترقی، دفاعی کمیٹی، خارجہ امور کمیٹی اور جنوبی ایشیائی دوستی گروپ شامل ہیں۔
جرمن پارلیمنٹ کے صدر پروفیسر نوربرٹ لیمرٹ کی جانب سے سپیکر قومی اسمبلی کے اعزاز میں ظہرانہ بھی دیا گیا۔ سپیکر قومی اسمبلی نے جرمن تھنک ٹینک ایس ڈبلیو پی اور جرمن انسٹیٹیوٹ آف انٹرنیشنل اینڈ سیکورٹی افیئرز سے بھی خطاب کیا اور پاکستان کی خارجہ پالیسی کے اہم امور پر روشنی ڈالی۔ جرمنی کے دورے میں سپیکر قومی اسمبلی نے میزبان ملک میں مختلف امور پر پاکستان کی بھرپور نمائندگی کی۔علاقائی و بین الاقوامی معاملات سمیت پاکستان کے ہمسایہ ممالک کے ساتھ پر امن مذاکرات جاری رکھنے کی خواہش پر بھی بات چیت کی۔دورے کے دوران سپیکر قومی اسمبلی نے پاکستان کی تیزی سے بہتر ہوتی ہوئی معاشی صورتحال اور سرمایہ کاری کے لئے بہترین ماحول کی دستیابی کے حوالے سے بھی آگاہ کیا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.