جنوبی پنجاب میں بھارتی خفیہ ایجنسی ”را “اور افغان انٹیلی جنس ایجنسی این ڈی ایس کے کارندوں کی موجودگی کا انکشاف

را او این ڈی ایس کے جنوبی پنجاب میں 7گروپ فعال کر دیئے گئے ،دہشت گرد سی پیک منصوبے کو نشانہ بنانا چاہتے ہیں ‘نجی ٹی وی

پیر 11 جولائی 2016 15:07

لاہور ( اُردو پوائنٹ اخبارتازہ ترین - این این آئی۔11 جولائی ۔2016ء) بھارتی خفیہ ایجنسی ”را “اور افغان انٹیلی جنس ایجنسی این ڈی ایس کے کارندوں کی جنوبی پنجاب میں موجودگی کا انکشاف ہوا ہے ،را او این ڈی ایس کے جنوبی پنجاب میں 7گروپ فعال کر دیئے گئیاور خدشہ ظاہر کیا گیا ہے کہ دہشت گرد سی پیک منصوبے کو نشانہ بنانا چاہتے ہیں ۔

(جاری ہے)

نجی ٹی وی کے مطابق وزارت داخلہ کے حساس مراسلے میں کہا گیا ہے کہ بھارتی خفیہ ایجنسی را اور افغان انٹیلی جنس ایجنسی این ڈی ایس کی جانب سے جنوبی پنجاب میں 6سے 7گروپس فعال کئے گئے ہیں جن کا مقصد سی پیک منصوبے کونقصان پہنچانا ہے ۔

مراسلے کے مطابق گروپس کے کارندے بھکر ، لیہ ، ڈی جی خان میں موجود ہیں اور ان کے تانے بانے کے پی کے میں ڈیرہ اسماعیل خان اور بلوچستان کے علاقے ژوب میں موجود ان کے سرپرستوں سے ملتے ہیں اور ان کارندوں کو کالعدم تحریک طالبان پاکستان کی حمایت بھی حاصل ہے ۔ مراسلے میں بتایا گیا ہے کہ دہشت گرد افراتفری پھیلانے کے لئے سی پیک منصوبے کے قریب خود کش حملے کر سکتے ہیں اور انجینئرز سمیت دیگر اہم افراد کو اغوا بھی کیا جاسکتا ہے ۔