مصر میں فیصل آفاق خان ‘اہلیہ اور 2بیٹیوں کے حادثے میں ڈوبنے کا دکھ ہے ‘6کو بچا لیا گیاہے ‘فیصل آفاق کی لاش مل گئی ہیں ‘ بیوی اور بیٹیوں کی لاشوں کی تلاش جاری ہے ‘تفتیش کیلئے کشتی کے مالک کو مقامی انتظامیہ نے تحویل میں لے لیا ہے‘پاکستان سفیر مسلسل وہاں کی حکومت سے رابطے ہیں‘ پاکستانی وزارت خارجہ کے ترجمان نفیس ذکریا کا بیان

اسلام آباد (اُردو پوائنٹ تازہ ترین اخبار۔8 جولائی- 2016ء) پاکستانی وزارت خارجہ کے ترجمان نفیس ذکریا نے ایک بیان میں کہا کہ فیصل آفاق خان اْن کی اہلیہ ثنا عروج اور دو بیٹیاں پانچ سالہ رمشا اور دو سالہ آمنہ اس حادثے میں ڈوبنے کا دکھ ہے ۔ مصر میں دریائے نیل میں کشتی ڈوبنے سے دو بچیوں سمیت ایک ہی خاندان سے تعلق رکھنے والے چار پاکستانی شہری ڈوب کر ہلاک ہو گئے جب کہ چھ کو بچا لیا گیا۔

(جاری ہے)

پاکستانی وزارت خارجہ کے ترجمان نفیس ذکریا نے ایک بیان میں کہا کہ فیصل آفاق خان اْن کی اہلیہ ثنا عروج اور دو بیٹیاں پانچ سالہ رمشا اور دو سالہ آمنہ اس حادثے میں ڈوب گئیں۔ بیان میں بتایا گیا کہ صرف فیصل خان کی لاش ملی ہے جب کہ دیگر تین کی تلاش جاری ہے۔ وزارت خارجہ کے ترجمان نے کہا کہ کشتی میں سوار دیگر چھ پاکستانیوں کو بچا لیا گیا ہے۔ پاکستانی وزارت خارجہ کے ترجمان کے مطابق تفتیش کے لیے کشتی کے مالک کو مقامی انتظامیہ نے تحویل میں لے لیا ہے۔ نفیس ذکریا کہنا تھا کہ جیسے ہی اس حادثے کی اطلاع ملی مصر میں پاکستان سفیر مسلسل وہاں کی حکومت سے رابطے ہیں۔