نوازشریف ‘آصف زرداری سمیت کئی رہنما عید ملک سے باہر منائینگے

عمران خان پاکستان میں عید منانے کے بعد تیسرے دن لندن روانہ ہوں گے

پیر 4 جولائی 2016 15:00

نوازشریف ‘آصف زرداری سمیت کئی رہنما عید ملک سے باہر منائینگے

لندن (اُردو پوائنٹ اخبارتازہ ترین - این این آئی۔04 جولائی ۔2016ء) وزیر اعظم نواز شریف ، سابق صدرآصف علی زرداری ، چیئرمین تحریک انصاف عمران خان سمیت دیگر اعلیٰ سیاسی قیادت اس بار عید لندن میں منائے گی ۔تقریباً ایک ماہ قبل اوپن ہارٹ سرجری کے لیے لندن جانے والے وزیراعظم نوازشریف عید بھی لندن میں ہی منائیں گے ۔

(جاری ہے)

پیپلزپارٹی لندن کے مطابق بلاول بھٹو زرداری ، بختاور اور آصفہ عید منانے لندن پہنچیں گے ، بچوں کے ساتھ عید منانے سابق صدر آصف علی زرداری بھی دبئی سے لندن پہنچ جائیں گے۔

پاکستان تحریک انصاف کے چیئرمین عمران خان پاکستان میں عید منانے کے بعد تیسرے دن لندن روانہ ہوں گے ۔پاکستان تحریک انصاف کیرہنما نعیم الحق بھی 6 جولائی کو لندن پہنچیں گے ۔ جہاں وہ عید منانے کے ساتھ ساتھ پارٹی رہنماؤں کے ساتھ میٹنگ میں شرکت کریں گے۔عید کے موقع پر متحدہ کے رہنما فاروق ستار اور وسیم اختر بھی لندن میں ہی ہوں گے۔