فریحہ پرویزکا آخری وقت تک انتظارکروں گا، شوہر نعمان جاوید

پیر 4 جولائی 2016 12:45

فریحہ پرویزکا آخری وقت تک انتظارکروں گا، شوہر نعمان جاوید

لاہور(اُردو پوائنٹ اخبارتازہ ترین - این این آئی۔04 جولائی ۔2016ء) گلوکارہ فریحہ پرویزکے شوہرنعمان جاوید کا کہنا ہے وہ اپنی اہلیہ کا آخروقت تک انتظارکریں گے جب کہ انہیں یقین ہے کہ وہ انہیں منانے کی کوشش میں کامیاب ہوجائیں گے۔ گلوکارہ فریحہ پرویز کے شوہر نعمان جاوید کا کہنا تھا کہ فریحہ کے علاوہ کسی کے بارے میں کبھی نہیں سوچا ہے، وہ اپنی اہلیہ کا آخر وقت تک انتظار کریں گے جب کہ انہیں پورا یقین ہے کہ وہ اپنی ازدواجی زندگی کی تمام مشکلات کو جلد حل کرلیں گے۔

نعمان جاوید نے کہا کہ فریحہ جو اس وقت امریکا میں ہیں ان کی جانب سے کوئی مثبت جواب نہیں آیا لیکن میرے دوست احباب اس حوالے سے میرا ساتھ دے رہے ہیں اوراگر کچھ غلط فہمیاں ہیں بھی تو میں فریحہ کو منانے کے حوالے سے اپنا فیصلہ تبدیل نہیں کروں گا۔

(جاری ہے)

ناکام ازدواجی زندگی کے باعث 4 ماہ قبل اپنی جان کا خاتمہ کرنے کی کوشش کرنے والے نعمان جاویدنے اپنی صحت کے حوالے سے بتایا کہ وہ اب بالکل ٹھیک ہیں اوراب بس کرئیرپرتوجہ دیں گے۔

ان کا کہنا تھا کہ عید کے بعد وہ اپنا ایک گانا “سارا” ریلیز کرنے جارہے ہیں جو کہ عربی اوراردو میوزک کا امتزاج ہوگا جب کہ نعمان جاوید مستقبل میں فلموں کے ہدایتکاری کے بھی خواب دیکھ رہے ہیں۔ ان کا کہنا تھا کہ اگروہ فلموں کے پراجیکٹس میں کامیاب ہوجاتے ہیں تو وہ مستقبل میں بیک وقت فلموں اور گانوں پر کام کریں گے۔واضح رہے کہ گلوکارہ فریحہ پرویز اور نعمان جاوید طویل عرصہ دوستی کے بعد حال ہی میں رشتہ ازدواج میں منسلک ہوئے تھے تاہم دونوں کے درمیان پراپرٹی تنازع نے تلخیاں بڑھا دی تھیں۔

متعلقہ عنوان :