انوشکا شرما ایک بار پھر شاہ رخ کے ساتھ فلم میں جلوہ گر ہوں گی

جمعہ 1 جولائی 2016 13:02

ممبئی(اُردو پوائنٹ اخبارتازہ ترین - این این آئی۔یکم جولائی ۔2016ء) بالی ووڈ اداکارہ انوشکا شرما فلم نگری کے دبنگ اسٹار سلمان خان کے بعد ایک بارپھر شاہ رخ خان کے ساتھ فلم میں جلوہ گر ہوں گی۔بالی ووڈ اداکارہ انوشکا شرما نے فلمی کرئیر کا آغاز 2008 میں ریلیز ہونے والی فلم ”رب نے بنادی جوڑی“ سے کیا تھا اور خوب شہرت حاصل کی تھی جس کے بعد اداکارہ نے فلم نگری کو متعدد بلاک بسٹر فلمیں دی ہیں جس میں”بینڈ باجہ بارات“،”جت تک ہے جان“ اور”پی کے“ شامل ہیں جب کہ اداکارہ بیک وقت کئی فلموں کی شوٹنگ میں مصروف ہیں جس کے بعدایک بار پھر ان کی لاٹری لگ گئی ہے۔

بالی ووڈ اداکارہ انوشکا شرما پر قسمت کی دیوی مہربان ہے اور ان کا فلمی کیرئیر اپنے عروج پر ہے جب کہ فلم ”سلطان“ میں بالی ووڈ کے دبنگ سپر اسٹار سلمان خان کے ساتھ جلوہ گر ہونے کے بعد اب وہ ہدایتکار امتیازعلی کی فلم میں سپر اسٹار شاہ رخ خان کے ساتھ جلوہ گرہوں گی جس کی اداکارہ نے خود بھی تصدیق کردی ہے۔

(جاری ہے)

انوشکا شرما کاکہنا تھا کہ ہدایتکار امتیازعلی کی فلم میں شاہ رخ خان کے مدمقابل مرکزی کردار ادا کروں گی جس کے لیے بے حد خوش ہوں جب کہ بیک وقت کئی فلموں کی شوٹنگ میں مصروف ہوں لیکن پھر بھی فلم میں کام کرنے کے لیے وقت نکالوں گی۔

واضح رہے کہ اداکارسلمان خان اور انوشکا شرما یش راج فلمز کے بینرتلے بننے والی فلم ”سلطان“ میں مرکزی کردار ادا کریں گے جب کہ فلم 6 جولائی کونمائش کے لیے پیش کی جائے گی۔

Facebook Twitter Google + Share on Whatsapp

انوشکا شرما ایک بار پھر شاہ رخ کے ساتھ فلم میں جلوہ گر ہوں گی

متعلقہ عنوان :

مزید فن و فنکار کی خبریں