اسلامی نظریاتی کونسل کی حیثیت آئینی ہے،اسے کوئی مائی کالعل ختم نہیں کرسکتا‘پروفیسر ساجد میر
نسرین جلیل کو اسلامی نظریہ کونسل کے خاتمے کا مطالبہ زیب نہیں دیتاہے، سب سے زیادہ انسانی حقوق کی خلاف ورزی تو خود انکی اپنی جماعت کرتی ہے پابندی تو اس پر لگنی چاہیے
بدھ 29 جون 2016 20:07
لاہور ( اُردو پوائنٹ اخبارتازہ ترین - این این آئی۔29 جون ۔2016ء) امیر مرکزی جمعیت اہل حدیث پاکستان سینیٹر پروفیسر ساجد میر نے کہا ہے کہ سینٹ کی انسانی حقوق کی فنکشنل کمیٹی کی چیئرپرسن نسرین جلیل کو اسلامی نظریہ کونسل کے خاتمے کا مطالبہ زیب نہیں دیتا، اگر انسانی حقوق کی بات کی جائے تو سب سے زیادہ انسانی حقوق کی خلاف ورزی تو خود انکی اپنی جماعت کرتی ہے پابندی تو اس پر لگنی چاہیے، جس کے قائد کے خلاف را سے پیسے لینے، کراچی میں بھتہ خوری اور بوری بند لاشوں کے دھندوں میں ملوث ہونے کے ٹھوس شواہد موجود ہیں،اسلامی نظریہ کونسل کی سفارشات سے اختلاف رائے کیا جاسکتا ہے مگر اسکے خاتمے کامطالبہ سراسر ناجائز ہے، اس ادارے کی آئینی حیثیت ہے،اسے کوئی مائی کالعل ختم نہیں کرسکتا۔
اپنے ایک بیان میں پروفیسر ساجد میر کا کہنا تھا کہ اگر صحیح معنوں میں قرآن وسنت میں دیے گئے حقوق نسواں کا نفاذ ہو جائے تو معاشرے میں ہر قسم کاتشدد ختم ہو سکتا ہے۔(جاری ہے)
معاشرے میں غیر اسلامی تہذیب اور لادینی اقدار کے فروغ سے عورتوں پر تشدد میں اضافہ ہورہا ہے۔ ماڈرن عورتیں نوجوان لڑکیوں کو گمراہ کررہی ہیں۔ عورت کی حیا اور اسکی عفت وعصمت کو پامال کرنے والی سرگرمیاں عروج پر ہیں،فلمیں اور ڈراموں میں جو کچھ دکھایا جارہا ہے اس سے نوجوان لڑکیوں میں منفی رحجانات فروغ پارہے ہیں۔اسلام تو عورت کے تقدس اور اسکی عصمت کا محافظ ہے۔ اسلامی نظریاتی کونسل کے خاتمے کی باتیں ناقابل فہم اور احمقانہ ہیں۔ ہم اس قسم کی سفارشات کو مسترد کرتے ہیں۔
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.