پیمرا نے کیبل ٹی وی سروس کیلئے لوپ ہولڈراور IPTVلائسنسنگ کی منظوری دیدی
بدھ 29 جون 2016 18:43
اسلام آباد(اُردو پوائنٹ اخبارتازہ ترین - این این آئی۔29 جون ۔2016ء) پیمرا اتھارٹی کا115واں اجلاس پیمرا ہیڈکوارٹرز اسلام آباد میں منعقد ہوا۔ اجلاس میں اتھارٹی نے کیبل ٹی وی کے فروغ کے لیے لوپ ہولڈرز پالیسی کی منظوری دیتے ہوئے لائسنسنگ کے عمل کو شروع کرنے کی اجازت دے دی ۔اس فیصلے کے بعد کیبل ٹی وی کی سہولت ملک کے دور دراز علاقوں میں باہم پہنچانے میں مدد ملے گی اور چھوٹے سرمایہ کاروں کو با عزت روزگار کے مواقع فراہم ہوں گے ۔
مزید براں ملک میں کیبل ٹی وی کی ڈیجیٹلائزیشن کو مزید فروغ ملے گا۔اتھارٹی نے آئی پی ٹی وی(IPTV)لائسنسگ کی پالیسی کی بھی منظوری دی ۔ پالیسی کے تحتIPTV لائسنسگ کے لیے ملک کو تین حصوں میں تقسیم کیا گیا ہے تا کہ زیادہ سے زیادہ سرمایہ کاری کے مواقع باہم پہنچائے جا سکیں۔(جاری ہے)
اس فیصلے سے دور آفتادہ علاقوں خصوصاً بلوچستان میں جدید سہولیات کو متعارف کروایا جا سکے گا ۔
پیمرا آرڈیننس 2002کے سیکشن 27 کے تحت جرائم کی تمثیل کاری سے متعلقہ پروگراموں پر پابندی سے متعلق جاری شدہ ہدایات اور اس سلسلہ میں ہونے والی پیش رفت سے اتھارٹی کو آگاہ کیا گیا اور اتھارٹی نے عملدرآمد کو سراہتے ہوئے تمام امور کی توثیق کر دی۔ اتھارٹی نے میسرز فارچون مارکیٹنگ پرائیویٹ لمٹیڈ کے چینل "دن نیوز" کی بقایا جات کی اقساط میں ادائیگی کی منظور ی دی۔اتھارٹی نے میسرز انٹرنیشنل مارکیٹنگ اور ٹریڈنگ کمپنی پرائیویٹ لمیٹڈ "ہوپ ٹی وی" کے لائسنس کی میسرز نیشنل کمیونیکیشن سروس (ایس ایم سی پرائیویٹ)لمیٹڈ کو منتقلی کی اجازت دے دی جبکہ اتھارٹی نے میسرز سپورٹس سٹار انٹرنیشنل پرائیویٹ (اے ٹی وی ) کے پرو گرامنگ مکس میں تبدیلی کی بھی منظوری دے دی ۔ مزید برآں اتھارٹی نے میسرز منتہاء نور سچل ٹی وی پرائیویٹ لمیٹڈ (سچ ٹی وی ) کے چیف ایگزیکٹو آفیسرکی تبدیلی اور حصص کی منتقلی کی بھی اجازت دی۔اتھارٹی نے میسرز ویژن نیٹ ورک ٹیلی وژن لمیٹیڈ "جاگ ٹی وی " میں نئے ڈائریکٹرز کی شمولیت اور شیئر ہولڈنگ میں تبدیلی کی بھی منظوری دی۔اتھارٹی نے اسلام آباد ٹریفک پولیس اور یونیورسٹی آف سوات کی درخواست پر نان کمرشل ایف ایم ریڈیوسٹیشنز کی لوکیشن میں تبدیلی اور خوشحال خان خٹک یونیورسٹی آف کرک کہ نان کمرشل ایف ایم لائسنس کے اجراء کی بھی منظوری دے دی۔اتھارٹی نے پیمرا ا آرڈیننس 2002 کے سیکشن 13 کے تحت چیئرمین پیمرا کو کونسل آف کمپلینٹس کی تمام سفارشات کو فوری منظوری کے اختیارات تفویض کر دیے تا کہ کونسل کے تمام فیصلوں پر فوری عملدرآمد کو یقینی بنایا جا سکے اور ادارے کی Writ کو بہتر سے بہتر بنایا جا سکے۔چیئرمین پیمرا ابصار عالم نے اتھارٹی کومالی سال 2015-16 کے ریونیوٹارگٹ کے حصول کے بارے میں تفصیلات سے آگاہ کیا اور تمام سٹاف اور افسران کی محنت کو سراہتے ہوئے ان کے لیے Reward کی بھی تجویز دی ۔چیئرمین پیمرا نے پبلک سروس میسج اور غیر قانونی ڈی ٹی ایچ سے متعلق پالیسیوں پر ہونے والی پیش رفت سے آگاہ کیا اور اِن پر عملدرآمد عید کے فوری بعد کروانے کا بھی عندیہ دیا۔چیئرمین پیمرا ابصار عالم کی زِیر صدارت اجلاس میں سیکریٹری اطلاعات و نشریات عمران گردیزی ، سیکریٹری داخلہ عارف احمد خان، چیئرمین ایف۔ بی۔ آر نثار محمد خان، محترمہ شاہین حبیب الله(ممبر خیبرپختونخوا)اور محترمہ نرگس ناصر (ممبر پنجاب) نے شرکت کی۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.