تنزلی پانے والے افسراں سے ہمدردی ہے مگر عدالت سے ٹکر نہیں:پنجاب اسمبلی
میاں محمد ندیم بدھ 29 جون 2016 17:43
لاہور (اردو پوائنٹ اخبارتازہ ترین-انٹرنیشنل پریس ایجنسی۔29جون۔2016ء) پنجاب حکومت نے عدالتی احکامات کی روشی میں ڈی موٹ ہونے والے افسروں اور سرکاری ملازمین کا ترقیاں بحال کرانے کیلئے یہ معاملہ عدالت میں لے جانے کا عندیہ بھی دیا ہے اورپنجاب اسمبلی میں یقین دہانی کرائی ہے کہ ان ملازمین کیلئے حکومت سے جو ممکن ہوسکے گا وہ ضرور کرے گی ۔
پنجاب اسمبلی میں یہ معاملہ حکومتی رکن شیخ علاﺅالدین نے پوائنٹ آف آرڈر پر اٹھایا تھا اور کہا تھا کہ آﺅٹ آف ٹرن ترقیاں پانے والے ہزاروں پولیس ملازمین عدالتی احکامات کی روشنی میں دوبارہ پندرہ سال پہلے والی پوزیشن پر چلے گئے ہیں اور بادشاہی مسجد میں ان کا اجتماع بھی ہورہا ہے ۔(جاری ہے)
حکومت کو ان ہزاروں خاندانوں کے بارے میں کچھ سوچنا چاہئے اور اس اسمبلی کو اپنا کردار ادا کرنا چاہئے ، ان کا موقف تھا کہ جب آﺅت آف ٹرن ترقیاں دی گئی تھیں تو حکومت کو چاہئے تھا کہ مناسب قانون سازی کرکے انہیں تحفظ بھی فراہم کرتی ، اب بھی اس ضمن میں سوچا جائے ، وزیر قانون رانا ثناءاللہ خان نے اس نکتہ اعتراض کی وضاحت کرتے ہوئے کہا کہ پنجاب میں لگ بھگ نو دس ہزار پولیس ملازمین اور افسروں کو ان کی بہتر کارکردگی ، فرض شناسی اور قربانیوں پر آﺅٹ آف ٹرن ترقیاں دی گئی تھیں جو عدالتی احکامات کی روشنی میں واپس لی گئی ہیں، درحقیقت سندھ میں بہت سے پولیس کے افسروں کو بھی آﺅٹ آف ٹرن ترقیاں دی گئیں اور من پسند پوسٹیں دی گئی تھیں جس پر یہ معاملہ سپریم کورٹ میں زیر بحث آیا تو سپریم کورٹ نے یہ ترقیاں منسوخ کردیں ، اس عدالتی حکم کا اطلاق پنجاب سمیت تمام صوبوں پر تھا چنانچہ پنجاب میں بھی یہ افسر متاثر ہوئے ، جن سے ہمیں ہمدردی ہے اور وزیر اعلیٰ اس مسئلے کا حل چاہتے ہیں اور اس مسئلے کے حل پر غور بھی کیا جاسکتا ہے لیکن کسی طور بھی عدالتی فیصلے کے برعکس قانون سازی نہیں کی جاسکتی تاہم عدالتی فیصلے میں کئی پہلو توجہ طلب اور مسئلے کے حل میں معاون ثابت ہوسکتے ہیں جن کا محکمہ قانون جائزہ لے رہا ہے اور ایک صورت یہ بھی ہوسکتی ہے کہ عدالتی فیصلے ہی کی روشنی میں عدالت سے رجوع کیا جائے تاکہ عدالتی فیصلے کی روشنی میں متاثر ہونے والے ملازمین اور افسر جنہوں نے قربانیاں دیں اور ترقیاں پائیں انہیں ریلیف مل سکے۔
متعلقہ عنوان :
مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.