پنجاب انسٹی ٹیوٹ آف قرآن اینڈ سیرت سٹڈیز کو صحیح معنوں میں علم و دانش کا گہوارہ ہونا چاہیے،اسے ایسا منفرادادارہ بنایا جائے جس کااسلامی تعلیمات کے فروغ اور ترویج میں کوئی ثانی نہ ہو، ادارہ نبی ؐ پاک کے اسوہ حسنہ اور قرآن کی تعلیم و تحقیق کے حوالے سے بین الاقوامی سہولتوں کا حامل ہوگا،اعلی سطح کی کمیٹی تشکیل دینے کی ہدایت،کمیٹی ایگز یکٹو ڈائریکٹر اوردیگر آسامیوں کیلئے افراد کے چناؤ کیلئے ضروری شرائط طے کریگی،ادارے کی مختلف کمیٹیوں کیلئے بہترین صلاحیتوں کے حامل افراد کا انتخاب کیا جائے
وزیراعلیٰ شہبازشریف کا پنجاب انسٹی ٹیوٹ آف قرآن اینڈ سیرت سٹڈیزکے بورڈ آ ف ڈائریکٹرز کے اجلاس سے خطاب
منگل 28 جون 2016 21:51
لاہور(اُردو پوائنٹ اخبارتازہ ترین - آئی این پی۔29 جون ۔2016ء) وزیراعلیٰ پنجاب محمد شہباز شریف کی زیر صدارت منگل یہاں پنجاب انسٹی ٹیوٹ آف قرآن اینڈ سیرت سٹڈیزکے بورڈ آ ف ڈائریکٹرز کا پہلااجلاس منعقد ہوا،جس میں پنجاب انسٹی ٹیوٹ آف قرآن اینڈ سیرت سٹڈیزکے مختلف امور کا جائزہ لیاگیا۔وزیراعلیٰ پنجاب محمد شہبازشریف نے اجلاس سے خطاب کرتے ہوئے کہا کہ پنجاب انسٹی ٹیوٹ آف قرآن اینڈ سیرت سٹڈیزکو ایسا منفرد ادارہ بنایا جائے جس کااسلامی تعلیمات کے فروغ اور ترویج میں کوئی ثانی نہ ہو۔
انہوں نے کہا کہ ادارے کو صحیح معنوں میں علم و دانش کا گہوارہ ہونا چاہیے۔ادارے کیلئے ایسے افراد کا انتخاب کیا جائے جو علم و فراست میں اپنی مثال آپ ہوں۔انہوں نے کہا کہ پنجاب انسٹی ٹیوٹ آف قرآن اینڈ سیرت سٹڈیزکا قیام سیرت النبیؐ اورقرآن پاک کی تعلیمات کے فروغ میں اہم سنگ میل کی حیثیت رکھتا ہے ۔(جاری ہے)
یہ ادارہ نبی ؐ پاک کے اسوہ حسنہ اور قرآن کی تعلیم و تحقیق کے حوالے سے بین الاقوامی سہولتوں کا حامل ہوگا۔
ادارے میں تحقیق اور پبلیکیشن پربھر پور توجہ دی جائے گی۔ادارے کو ڈیجیٹل نظام کے تحت چلایا جائے گاجو سو فیصد آئی ٹی بیسڈ ہوگا۔ وزیراعلیٰ نے پنجاب انسٹی ٹیوٹ آف قرآن اینڈ سیرت سٹڈیزکیلئے مختلف کمیٹیوں کی تشکیل اوردیگر امور کیلئے جسٹس(ر) خلیل الرحمان کی سربراہی میں کمیٹی تشکیل دینے کی ہدایت کرتے ہوئے کہا کہ مختلف کمیٹیوں کیلئے بہترین صلاحیتوں کے حامل افراد کا انتخاب کیا جائے اوران کمیٹیوں کیلئے مارکیٹ سے ایسے افراد کا انتخاب کیا جائے جو اپنے اپنے شعبوں مہارت رکھتے ہوں ۔انہوں نے کہا کہ اعلی سطح کی کمیٹی کی ایگز یکٹو ڈائریکٹر اوردیگر آسامیوں کیلئے افراد کے چناؤ کیلئے ضروری شرائط طے کرے گی۔صوبائی وزیر اوقاف عطامانیکا، پنجاب انسٹی ٹیوٹ آف قرآن اینڈ سیرت سٹڈیزکے وائس چیئرمین دوئم جسٹس (ر) خلیل الرحمان، ایم پی اے بیگم نبیرہ عندلیب،چیئرمین قرآن بورڈ پنجاب مولانا غلام محمد سیالوی،ریاض حسین نجفی،وائس چانسلر پنجاب یونیورسٹی ،چیئرمین ہائر ایجوکیشن کمیشن پنجاب اور بورڈ آ ف ڈائریکٹر کے دیگر ارکان نے اجلاس میں شرکت کی۔مزید اہم خبریں
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.