پاکستانی برآمد کنندگان کو برطانیہ کے یورپی اتحاد سے علیحدگی کے بارے میں خدشات ہیں ٗ لندن سے وضاحت طلب کی ہے ٗخرم دستگیر
مستقبل قریب میں ریفرینڈم کے فیصلے کا پاکستان پر اقتصادی اثر ہونے کا امکان نہیں ہے ٗ وزیر تجارت کا انٹرویو
منگل 28 جون 2016 21:36
اسلام آباد (اُردو پوائنٹ اخبارتازہ ترین - این این آئی۔29 جون ۔2016ء) وفاقی وزیر تجارت خرم دستگیر خان نے کہا ہے کہ پاکستانی برآمد کنندگان کو برطانیہ کے یورپی اتحاد سے علیحدگی کے بارے میں خدشات ہیں اور انھوں نے اس سلسلے میں لندن سے وضاحت طلب کی ہے۔بی بی سی سے گفتگو میں انہوں نے کہاکہ مستقبل قریب میں ریفرینڈم کے فیصلے کا پاکستان پر اقتصادی اثر ہونے کا امکان نہیں ہے۔
انھوں نے کہا کہ یورپی اتحاد کی جانب سے پاکستان کو جی ایس پی پلس کی جو سہولت دی گئی تھی وہ جاری رہے گی کیونکہ برطانیہ کے یورپ سے الگ ہونے میں دو سال کا وقت لگ سکتا ہے۔ہم نے اپنے ایکسپورٹروں سے کہا ہے کہ جب تک یہ عمل (علیحدگی کا) آگے نہیں بڑھتا، فی الوقت جی ایس پی پلس جاری رہے گا۔ زیرو ریٹنگ بدستور جاری رہے گی۔(جاری ہے)
وفاقی وزیر نے کہاکہ چونکہ برطانیہ میں سیاسی ابہام بھی ہے اس لیے برطانوی ٹریڈ آفس سے واضح جواب موصول نہیں ہو رہا۔
انہوں نے کہاکہ ان کی وزارت پاکستان کی برطانیہ کو برآمدات سے متعلق ایک جامع تجزیے کا اہتمام بھی کرے گی۔خرم دستگیر نے کہاکہ جو بات ان کیلئے سب سے زیادہ قابل تشویش ہے وہ یہ ہے کہ پاؤنڈ سٹرلنگ کی قدر میں قابل ذکر کمی آئی ہے۔ اس سے برطانیہ سے امپورٹ کرنے والوں کے لیے مسئلہ ہو سکتا ہے کیونکہ اب پاکستان سمیت پوری دنیا برطانیہ کے لیے قدرے مہنگی ہوگئی ۔ایک سوال کے جواب میں کہ پاکستان نے جی ایس پی پلس کا کتنا فائدہ اٹھایا ہے خرم دستگیر نے کہا کہ اپنی صلاحیت کے مطابق اس کا بھرپور فائدہ اٹھایا گیا ہے۔ 2013 کے مقابلے میں اب یورپ کی پاکستان کی برآمدات میں 33 فیصد اضافہ ہوا ہے جو اندازاً دو ارب یورو بنتے ہیں۔ یہ ایک صحت مند اضافہ تھاامیگریشن سے متعلق کسی بڑی تبدیلی کے بارے میں انہوں نے کہا کہ ریفرنڈم نے امیگریشن کے خلاف جذبات ابھارے ہیں ابھی یہ سب قبل از وقت ہے لیکن برطانیہ میں مقیم لوگ بے یقینی کی صورت حال سے دوچار ہیں ٗجب نئے وزیر اعظم آئیں گے اور اپنے پروگرام کی وضاحت کریں گے تو صورت حال واضح ہوگی ورنہ یہ تعصب والا ماحول بنا ہوا ہے، جو درست نہیں۔مزید اہم خبریں
-
وزیرخزانہ کی ورلڈ بینک کے علاقائی نائب صدر برائے جنوبی ایشیا مسٹر مارٹن رائزر سے ملاقات
-
ضمنی الیکشن کے دوران دفعہ 144 کا نفاذ عدالت میں چیلنج
-
نارووال میں نوجوان کی ہلاکت پر پنجاب حکومت نے وضاحتی بیان جاری کر دیا
-
ضمنی انتخابات، پنجاب میں پولنگ کے سامان کی ترسیل کی کوریج پر پابندی عائد
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.