پبلک اکاونٹس ذیلی کمیٹی کا مختلف منصوبوں کے تعمیراتی کاموں میں تاخیر اور لاگت میں اضافے پر تشویش کا اظہار
5کروڑ کی لاگت کا منصوبہ 5 ارب میں مکمل ہو گا تو ملک کا کیا بنے گا ، کمیٹی کے ریمارکس کمیٹی نے تو نسہ موسیٰ خیل روڈ کی تعمیر کا ٹھیکہ کے حوالے سے تفصیلات طلب کر لیں
منگل 28 جون 2016 20:56
اسلام آباد(اُردو پوائنٹ اخبارتازہ ترین - آئی این پی۔29 جون ۔2016ء )پبلک اکاونٹس کمیٹی کی ذیلی کمیٹی نے مختلف منصوبوں کے تعمیراتی کام میں تاخیر کی وجہ سے ان کی لاگت میں ہونے والے اضافے پر تشویش کا اظہار کرتے ہوئے کہا ہے کہ 5کروڑ کی لاگت کا منصوبہ 5 ارب میں مکمل ہو گا تو ملک کا کیا بنے گا جبکہ پاک پی ڈبلیو ڈی کی جانب سے پی اے سی ذیلی کمیٹی کو بتایا گیاکہ حکومتیں بدلنے سے منصوبوں کی ترجیحات بھی بدل جاتی ہیں جس سے تاخیر کے ساتھ ساتھ منصوبوں کی تعمیراتی لاگت میں بھی اضافہ ہو جاتا ہے کمیٹی نے تو نسہ موسی خیل روڈ کی تعمیر کا ٹھیکہ کے حوالے سے تفصیلات طلب کر لیں ۔
اجلاس منگل کو پارلیمنٹ ہاوس میں کمیٹی کے کنوینئر میاں عبدالمنان کی زیرصدارت ہوا جس میں وزارت ہاوسنگ و تعمیرات اور پاک پی ڈبلیو ڈی سمیت متعلقہ سرکاری حکام نے شرکت کی۔(جاری ہے)
اجلاس میں وزارت ہاوسنگ و تعمیرات کے 2002 اور 2003 کے آڈٹ اعتراضات کا جائزہ لیا گیا۔ آڈٹ حکام نے پی اے سی کو بتایا کہ جی8میں 129فلیٹوں کے تعمیراتی منصوبے کی لاگت بڑھنے سے قواعد کی خلاف ورزی ہوئی ہے جس پر وزارت تعمیرات و ہاوسنگ کی جانب سے بتایا گیا کہ یہ ٹھیکہ 1986 میں ہوا جس پر 1991 میں کام شروع کرنے کا اجازت نامہ جاری کیا گیا۔
کمیٹی کے کنوینئر میاں عبدالمنان نے حیرت کا اظہار کرتے ہوئے کہا کہ منصوبے پر 5سال تک کام شروع کرنے میں تاخیر کیوں کی گئی۔ اس بات کا تعین ہونا چاہیے کہ اس کا ذمہ دار کون ہے۔ پاک پی ڈبلیو ڈی کو اس معاملے کی تحقیقات کرنی چاہیے۔ انہوں نے اپنے ریمارکس میں کہا کہ 5کروڑ کا منصوبہ تاخیر کی وجہ سے 5ارب میں مکمل ہو گا تو ملک کا کیا بنے گا۔ سرکاری حکام نے کہا کہ منصوبے تاخیر کا شکار ہونے سے لاگت بڑھ جاتی ہے، آڈٹ حکام نے کہا کہ جن منصوبوں کو فنانس کلیئر نہ کرے ان پر کام شروع نہیں ہو سکتا۔ میاں عبدالمنان نے کہا کہ وزارت خزانہ کی منظوری کے بغیر ملک میں کوئی کام بھی شروع نہیں ہو سکتا۔ انہوں نے ہدایت کی کہ اس منصوبے کی لاگت میں 2کروڑ اضافے کی مکمل تحقیقات کرائی جائیں۔ پاک پی ڈبلیو ڈی کے حکام نے کہا کہ ایک منصوبے کی منظوری ایک حکومت دیتی ہے جب وہ رخصت ہوتی ہے تو ترجیحات بدل جاتی ہیں اور اس طرح منصوبے تاخیر کا شکار ہوتے ہیں جس کی وجہ سے ان پر تعمیری لاگت میں بھی اضافہ ہو جاتا ہے۔ میاں عبدالمنان نے پی اے سی کو بتایا کہ وزیراعلی بلوچستان کی طرف سے سپیکر قومی اسمبلی اور چیئرمین پی اے سی کو درخواست آئی ہے کہ تونسہ موسی خیل روڈ کی تعمیر کے حوالے سے این پی آئی کنسٹرکشن اینڈ انجینئرنگ کمپنی کو انصاف دلایا جائے۔ این پی آئی کنسٹرکشن کمپنی کو پی اے سی کی طرف سے بتایا گیا کہ تونسہ موسی خیل روڈ کی تعمیر کا ٹھیکہ انہیں 2008 میں 456ملین روپے میں دیا گیا۔ 35کلومیٹر شاہراہ کے اس منصوبے پر ہم نے 2011 تک کام کیا منصوبہ بندی کمیشن نے 2011 میں اس منصوبے کو پی ایس ڈی پی سے نکال دیا اور ان کے 150ملین روپے حکومت کی طرف واجب الادا تھے۔ بعدازاں 2012 میں اس منصوبے کا ٹھیکہ کسی اور کو دے دیا گیا۔ پی اے سی نے اس معاملے پر ایک خصوصی کمیٹی بنانے کا حکم دیا جس میں وزارت ہاوسنگ و تعمیرات پاک پی ڈبلیو ڈی کے نمائندے شامل ہوں گے اور پی اے سی خود اس کمیٹی کی نگرانی کرے گی اور اس معاملے کی مکمل تحقیقات کر کے مذکورہ کنسٹرکشن کمپنی کے ساتھ انصاف کی راہ ہموار کی جائے گیمزید اہم خبریں
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
ایران : اصفہان میں دھماکوں کی آوازیں اسرائیل کا ایران پر’ ’میزائل حملہ“ کرنے کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
-
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.