ہیڈ کوچ مکی آرتھر پاکستانی کھلاڑیوں کی صلاحیتوں کے دلدادہ ہو گئے
منگل 28 جون 2016 14:43
ساتھمپٹن(اُردو پوائنٹ اخبارتازہ ترین - آئی این پی۔28 جون ۔2016ء) پاکستان کرکٹ ٹیم کے نئے ہیڈ کوچ مکی آرتھر نے کہا ہے کہ پاکستانی ٹیم کی صلاحیتیں ناقابل یقین ہیں۔مکی آرتھر کو 2013 کی ایشنر سیریز کے آغاز سے قبل ہی چمپینز ٹرافی میں ناکامی پر آسٹریلیا کی کوچنگ سے برطرف کردیا گیا تھا جو ان کا انگلینڈ کا آخری دورہ تھا۔مکی آرتھر اپنی قومی ٹیم جنوبی افریقہ کی کوچنگ کی بنا پر عالمی طورپر جانے جاتے ہیں تاہم انھیں آسٹریلیا کے مشہور آل رانڈر شین واٹسن سمیت چار کھلاڑیوں کو تحریری ٹیسٹ میں ناکامی پر ٹیم میں منتخب نہیں کئے جانے پر نام نہاد 'ہوم ورک-گیٹ' سے جوڑا گیا۔
انھیں اب پاکستان کی باصلاحیت ٹیم سے بہتر کارکردگی لینے کے چیلنج کا سامنا ہے جس میں نوجوان بالر محمد عامر بھی شامل ہیں جو 2010 میں اسپاٹ فکسنگ میں سزا پانے کے بعد لارڈز ٹیسٹ میں واپسی کررہے ہیں۔(جاری ہے)
مکی آرتھر کا ہمپشائر کے گرانڈ میں پاکستانی ٹیم کی ٹریننگ کے دوران میڈیا سے بات کرتے ہوئے کہنا تھا کہ وہ آسٹریلیا سے نکالے جانے کو بھول چکے ہیں تاہم وہ اس معاملے کو عوام میں جس طرح پیش کیا گیا اس سے ناخوش نظر آئے۔
ان کا کہنا تھا کہ 'میں نے ان تمام چیزوں کے تجربے سے بہت سیکھا ہے لیکن میں نے اپنے انداز میں کوئی تبدیلی نہیں لائی کیونکہ میں نہیں سمجھتا کہ جس کو آپ اپنے روایت اور اصول کے مطابق بہتر سمجھتے ہوں تو اس پر سمجھوتہ کرسکیں ۔48 سالہ پاکستانی کوچ کا آسٹریلیا ٹیم کے تجربے پر کہنا تھا کہ 'میں 'ہوم ورکگیٹ' کے حوالے سے بات کرتے ہوئے تھک گیا ہوں اور جس طرح اس کو رپورٹ کیا گیا وہ واقعے کے برعکس تھا ۔لیکن موجودہ ٹیم کے ساتھ مختلف طریقوں سیکام کررہے ہیں اور اسی طرح آپ حتمی کامیابی حاصل کرپائیں گے ۔پاکستانی ٹیم کی خداداد صلاحیتوں کا اعتراف کرتے ہوئے آرتھر نے کہا کہ پاکستان ٹیم کی صلاحیتیں ناقابل یقین ہیں، دیگر دو ٹیموں (جنوبی افریقہ اور آسٹریلیا)جن کی میں نے کوچنگ کی وہ غیرمعمولی کارکردگی نہیں دکھا سکی لیکن اس ٹیم میں یہ صلاحیت ہے ۔ان کا کہنا تھا کہ پچھلی دوٹیموں میں فٹنس، اسٹرکچر اور نظم وضبط میں تھا۔انھوں نے مزید کہا کہ میں کوشش کررہا ہوں کہ کھلاڑیوں کی مہارت پر مستقل مزاجی لے آؤں، میں محمد عامر اور سہیل خان کو گزشتہ روز باؤلنگ کرتے دیکھ رہا تھا اور وہ آؤٹ سوئنگ اور ان سوئنگ کررہے تھے،میں نے انھیں صرف یہ کہا کہ زیادہ دیر کے لیے اسی لائن کو جاری رکھیں ۔پاکستان ٹیم کی غیر مستقل مزاجی پر ان کا کہنا تھا کہ اس ٹیم میں دوسروں کی طرح تحمل نہیں ہے لیکن صلاحیتیں بلند ہیں میں ان صلاحیتوں کو تحمل کے برابر لانے کی کوشش کررہا ہوں اور ایک ساتھ آپ کو کچھ بہت زیادہ اچھا ملے گا ۔مزید کھیلوں کی خبریں
-
محمد حارث نے ٹیم میں واپسی کے لیے پی آر مہم چلائی ‘ احمد شہزاد کا الزام
-
ملکی تاریخ میں پہلی بار آسٹریلین والی بال ٹیم پاکستان کا دورہ کرے گی
-
فیملی کے ساتھ باہر جاؤں اور جب کوئی ’چاچو‘ کہے تو عجیب لگتا ہے، افتخاراحمد
-
پوری ٹیم بابر اعظم کو سپورٹ کر رہی ہے، سب کی نظریں ہم پر ہیں، مایوس نہیں کرینگے ، قومی کرکٹرز
-
اب چاہے کچھ بھی ہوجائے میں اکیلی ہی کافی ہوں، ثانیہ مرزا
-
باکسر عامر خان ایک دن کیلئے اعزازی کیپٹن بن گئے
-
محمد حارث نے ایسی کوئی پرفارمنس نہیں دی جو اسے پاکستانی ٹیم میں رکھا جائے : احمد شہزاد
-
رستم زماں گاما پہلوان کا یوم پیدائش 22 مئی کو منایا جائے گا
-
بابر اعظم پاکستان کو ٹی ٹونٹی ورلڈ کپ جتوانے کی صلاحیت رکھتے ہیں ،عماد وسیم کا دعویٰ
-
منیبہ علی کے ٹی ٹوئنٹی انٹرنیشنل میں ایک ہزار رنز مکمل
-
پاکستان کی اوپننگ جوڑی کا مسئلہ بابر اور رضوان نہیں بلکہ صائم ہے : شاہد آفریدی
-
محسن نقوی کی قذافی سٹیڈیم،نیشنل بینک سٹیڈیم کراچی اور راولپنڈی سٹیڈیم کی اپ گریڈیشن کیلئے انٹرنیشنل کنسلٹنٹ کی خدمات لینے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.