پاکستان کو لاطینی امریکہ کے ساتھ تعلقات کے فروغ کیلئے توجہ کی ضرورت ہے، پاکستان کے 70فیصد سفارتی مشنز ایک ایک اآدمی پر مشتمل ہیں، پاکستان سفارتی مشنز پر 150 ملین ڈالر سالانہ جبکہ بھارت 1.3 ارب ڈالر خرچ کر رہا ہے، پاکستان کے افریقی ممالک کے ساتھ بہت اچھے تعلقات ہیں، پاکستان کے دنیا بھر میں امن مشنز کی خدمات کو سراہا جا رہا ہے، پاکستان نے کئی افریقی ممالک کی تحریک آزادی میں ان کا ساتھ دیا
سیکرٹری خارجہ اعزاز چوہدری کی سینیٹ کی قائمہ کمیٹی کو بریفنگ
پیر 27 جون 2016 22:00
اسلام آباد (اُردو پوائنٹ اخبارتازہ ترین - آئی این پی۔27 جون ۔2016ء) سیکرٹری خارجہ اعزاز چوہدری نے کہا ہے کہ پاکستان کو لاطینی امریکہ کے ساتھ تعلقات کے فروغ کیلئے توجہ کی ضرورت ہے، پاکستان کے 70فیصد سفارتی مشنز ایک ایک ،آدمی پر مشتمل ہیں، پاکستان سفارتی مشنز پر 150 ملین ڈالر سالانہ جبکہ بھارت 1.3 ارب ڈالر خرچ کر رہا ہے، پاکستان کے افریقی ممالک کے ساتھ بہت اچھے تعلقات ہیں، پاکستان کے دنیا بھر میں امن مشنز کی خدمات کو سراہا جا رہا ہے، پاکستان نے کئی افریقی ممالک کی تحریک آزادی میں ان کا ساتھ دیا جس کو آج بھی یاد کیا جاتا ہے۔
وہ پیر کو سینیٹ کی قائمہ کمیٹی برائے خارجہ کو بریفنگ دے رہے تھے۔سینیٹ کی قائمہ کمیٹی برائے امور خارجہ کا اجلاس کمیٹی چیئرمین نزہت صادق کی زیر صدارت ہوا۔(جاری ہے)
اجلاس کو بریفنگ دیتے ہوئے سیکرٹری خارجہ اعزازچوہدری نے کہا کہ پاکستان کو لاطینی امریکہ کے ممالک کے ساتھ سیاسی، سفارتی اور تجارتی تعلقات کے فروغ کیلئے کافی توجہ کی ضرورت ہے، بیرون ممالک میں کام کرنے والے سفارتی مشنوں میں ہمیشہ عملے کو کمی کی گئی کبھی بھی اس کو بڑھایا نہیں گیا، اس وقت پاکستان کے 70فیصد سفارتی مشنز میں صرف ایک فرد اور کچھ سپورٹنگ سٹاف پر مشتمل ہے، پاکستان سفارتی مشنز پر 150 ملین ڈالر سالانہ جبکہ بھارت 1.3ارب ڈالر سالانہ خرچ کر رہا ہے، افریقی ممالک میں تعلقات میں بہتری آ رہی ہے، 10سال میں سفارتی مشنز کی تعداد 13سے بڑھ کر33 ہو گئی ہے، افریقی ممالک کے ساتھ اچھے تعلقات ہیں، برازیل کے ساتھ تجارت کم ہے، پاکستان کے افریقی ممالک میں امن مشنز شاندار خدمات سر انجام دے رہے ہیں اور دنیا بھر میں پاکستان کی خدمات کو سراہا جا رہا ہے، بعض ممالک میں پاکستان کے سفارت خانے تک موجود نہیں لیکن امن مشنز پاکستان کی نمائندگی کر رہے ہیں، پاکستان نے کئی افریقی ممالک کی تحریک آزادی میں ان کا ساتھ دیا،پاکستان کی ان خدمات کو آگے بھی یاد کیا جاتاہے،پاکستان نے3سال سے دفتر خارجہ میں افریقہ ڈے منانا شروع کیاہے جہاں سینیٹروں کو مدعو کیا جاتاہے،شیخ راشد المکتوم دبئی کے پرنسپل کے خلاف شکایات کے حوالے سے گفتگوکرتے ہوئے انہوں نے کہا کہ یو اے ای کے حکام نے ایک نیا قانون متعارف کرایاہے جس کے تحت سکول کی کی ملکیت کفیل کے پاس ہوگی جس سے قونصلیٹ کے ہاتھ کمزور ہوگئے ہیں،قونصلیٹ کو مزدوری دی گئی ہے لیکن ملکیت نہیں،شکایات کے حوالے سے ایک کمیٹی بنائی گئی تھی جو2دن تک رپورٹ پیش کرے گی۔
قبل ازیں کمیٹی کو بریفنگ دیتے ہوئے کہ دفترخارجہ کے ڈی جی امریکہ نے کمیٹی کو آگاہ کیا کہ پاکستان کو لاطینی امریکہ کے ممالک کے ساتھ رابطوں کے فروغ کیلئے اعلیٰ سطح کے وفود کے تبادلوں کی ضرورت ہے،وہاں پر پاکستان کی کی کمیونٹی بہت کم ہے اور زبان اورویزوں کی سخت پالیسیوں کی وجہ سے تجارت بہت کم ہے،وزیراعظم نے کیوبا کو15 ہزار میٹرک ٹن چاول تحفے دینے کا اعلان کیا تھا اس حوالے سے کیوبا کے انسپکٹرز کی ٹیم پاکستان کے دورے پر آچکی ہے اگر وہ چاول کی کوالٹی سے مطمئن ہوجاتی ہے توپاکستانی چالوں کی برآمد کیلئے کیوبا میں ایک نیا گیٹ وے کھل سکتاہے، پاکستان نے زلزلے کے دوران کیوبا کے فرسٹ منسٹر پاکستان میں آئے اور5ماہ تک یہاں رہے اور کام کیا۔سینیٹر مشاہد اﷲ خان نے کہا کہ برازیل کے پاکستان کے ساتھ اچھے تعلقات ہیں،حالیہ این ایس جی کے ایشو پر برازیل نے پاکستان کا ساتھ دیا۔کریم خواجہ نے کہاکہ پاکستان برازیل کے ساتھ تعلقات کے فروغ پر توجہ دے، بورڈ آف انسوسٹمنٹ کے حکام نے کمیٹی کو آگاہ کیا کہ ادارہ سرمایہ کاری کے فروغ کیلئے اقدامات اٹھا رہا ہے جس سے سرمایہ کاروں کا اعتماد بحال ہورہاہے سی پیک کے بعد سرمایہ کاری آنے کا امکان ہے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.