دیپیکا نے 2016ء میں بہترین اداکارہ کا ایوارڈ اپنے نام کرلیا

پیر 27 جون 2016 12:01

میڈرڈ(اُردو پوائنٹ اخبارتازہ ترین - این این آئی۔27 جون ۔2016ء) دپیکا پڈوکون نے 17 ویں انٹرنیشنل انڈین فلم اکیڈمی ایوارڈ(آئیفا)2016 میں بہترین اداکارہ جبکہ رنویرسنگھ نے بہترین اداکار کا ایوارڈ اپنے نام کرلیا۔انٹرنیشنل انڈین فلم اکیڈمی ایوارڈ(آئیفا)2016 کی رنگا رنگ تقریب اسپین کے شہر میڈرڈ میں منعقد ہوئی جس میں بالی ووڈ نگری سے تعلق رکھنے والی ممتازشخصیات نے شرکت کی اورکئی اداکاروں نے شاندار پرفارمنس کا مظاہرہ کیا ۔

(جاری ہے)

آئیفا ایوارڈز کی تقریب میں رنویر سنگھ کو فلم ”باجی راوٴ مستانی“ میں بہترین اداکار اور دپیکا پڈوکون کو فلم”پیکو“میں بہترین اداکارہ کا ایوارڈ دیا گیا جبکہ ”بجرنگی بھائی جان“ بہترین فلم اور ہدایتکار سنجے لیلا بھنسالی بہترین ہدایت کار قرار پائے۔پریانکاچوپڑا نے فلم ”باجی راوٴ مستانی“ میں بہترین معاون اداکارہ کے ساتھ ویمن آف دی ایئر کا ایوارڈ بھی اپنے نام کیا جب کہ انیل کپور کوفلم ”دل دھڑکنے دو“ کے لیے بہترین معاون اداکار کا ایوارڈدیا گیا۔واضح رہے کہ رواں سال تمام فلمی ایوارڈز اداکارہ دپیکا پڈوکون ،رنویر سنگھ اور فلم باجی راوٴ مستانی کے نام رہے ہیں۔

Facebook Twitter Google + Share on Whatsapp

دیپیکا نے 2016ء میں بہترین اداکارہ کا ایوارڈ اپنے نام کرلیا

متعلقہ عنوان :

مزید فن و فنکار کی خبریں