پاکستان ریلوے کا 3 جولائی سے کراچی سے اندرون ملک تین عید اسپیشل ٹرینیں چلانے کا اعلان

جمعہ 24 جون 2016 22:22

کراچی(اُردو پوائنٹ اخبارتازہ ترین - این این آئی۔24 جون ۔2016ء) پاکستان ریلوے نے 3 جولائی سے کراچی کینٹ اسٹیشن سے 3 عید اسپیشل ٹرینیں چلانے کا اعلان کیا ہے۔

(جاری ہے)

ڈی سی او ریلوے کراچی ڈویژن ناصر نذیر کے مطابق پہلی عید اسپیشل ٹرین 3 جولائی 2016ء کو صبح 11 بجے کراچی کینٹ اسٹیشن سے پشاور کے لئے روانہ ہو گی۔ دوسری عید اسپیشل ٹرین 3 جولائی کو رات 8 بجے فیصل آباد کے لئے روانہ ہو گی جبکہ تیسری عید اسپیشل ٹرین 4 جولائی 2016ء کو صبح 11 بجے لاہور کے لئے روانہ ہو گی۔ عید اسپیشل ٹرینوں کے لئے بکنگ 26 جون 2016ء کو کی جائے گی۔