پانامہ لیکس کی تحقیقات کے لئے ٹی او آرز پر عدم اتفاق رائے،پیپلز پارٹی اور تحریک انصاف کی پارلیمانی کمیٹی سے علیحدگی جمہوریت کے لئے امتحان ہے ، موجود حالات میں احتجاج حکمرانوں کے لئے نیک شگون نہیں
جمعیت علما پاکستان کے مرکزی صدر پیر اعجاز احمد ہاشمی کی پارٹی کارکنوں سے گفتگو
جمعہ 24 جون 2016 21:23
لاہور(اُردو پوائنٹ اخبارتازہ ترین - آئی این پی۔24 جون ۔2016ء) جمعیت علما پاکستان کے مرکزی صدر پیر اعجاز احمد ہاشمی نے پانامہ لیکس کی تحقیقات کے لئے ٹی او آرز پر اتفاق رائے نہ ہونے کے بعد پیپلز پارٹی اور تحریک انصاف کے پارلیمانی کمیٹی سے علیحدگی کے فیصلے کو جمہوریت کے لئے امتحان قراردیتے ہوئے کہا ہے کہ اپوزیشن جماعتوں کی بات اگر سینیٹ اور قومی اسمبلی میں نہیں مانی جاتی اور کسی بات پر اتفاق رائے پیدا نہیں ہوتا تو پھر پارلیمنٹ کا کیا فائدہ؟ ان حالات میں جب احتجاج ہوگا تو حکمرانوں کے لئے نیک شگون نہیں۔
اس سے اس دعوے کو تقویت ملے گی کہ میاں نواز شریف احتساب کرنا جانتے ہیں، خود کو احتساب کے لئے پیش کرنا انہیں مشکل ہی نہیں، ناممکن بھی نظرآتا ہے۔ وہ جمعہ کو یہا ں جے یو پی کی میڈیا ٹیم سے گفتگو کرتے ہوئے پیر اعجاز ہاشمی نے کہا کہ پیپلز پارٹی اور تحریک انصاف کا وزیر اعظم کے خلاف نااہلی کا ریفرنس دائر کرنا ان کا حق ہے۔(جاری ہے)
لیکن امید ہے کہ اس سے جمہوری نظام کو کچھ نہیں ہوگا۔
سیاسی نظام چلتے رہنا چاہیے۔ غیر قانونی قوتوں کی خواہش ہوتی ہے کہ وہ چوردروازوں سے اقتدار پر قابض ہوجائیں۔ عوام اورسیاسی جماعتیں امید کرتی ہیں کہ ایسی نوبت نہیں آئے گی۔انہوں نے کہا کہ صرف وزیر اعظم کا احتساب نہیں ہونا چاہیے، جن پاکستانیوں کے نام پانامہ لیکس میں آئے ہیں، سب کو شامل کیا جائے، لیکن میاں نوازشریف خود کو احتساب کے لئے پیش کرچکے ہیں، انہیں چاہیے کہ وہ اب لیت و لعل سے کام لینے کی بجائے اپنی کی جانے والی عوامی تقریروں پر قائم بھی رہیں۔چونکہ وہ خود سابق وزیر اعظم محترمہ بینظیر بھٹو شہید اور سابق صدر آصف علی زرداری کے احتساب کے لئے سرگرم رہے ہیں اور اس کے لئے قومی وسائل بھی خرچ کرتے رہے ہیں۔اب انہیں ہمت کرنی چاہیے، پیچھے نہ ہٹیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.