عالمی برادری دہشتگردی کیخلاف افغانستان کی مدد کرے ، چینی مندوب
بدھ 22 جون 2016 14:11
اقوام متحدہ (اُردو پوائنٹ اخبارتازہ ترین - آئی این پی۔22 جون۔2016ء) عالمی برادری کو قیام امن کے سلسلے میں افغانستان کی مدد کرنی چاہئے تا کہ وہاں امن و امان کی صورتحال پر قابو پایا جا سکے ، حالیہ دنوں میں افغانستان کی صورتحال زیادہ خراب ہو گئی ہے وہاں پر مسلح جھڑپوں میں تیزی آئی ہے جس سے سویلین آبادی کی ہلاکتوں میں اضافہ ہو گیا ہے ، اس لئے اقوام متحدہ کو افغانستان میں امن کے قیام کے لئے اپنی کوششیں تیز کر دینی چاہئیں ، افغانستان اور علاقائی ممالک کے درمیان تعاون کو فروغ دے کر دہشتگردی ، منشیات او ر سرحدوں کے آر پار جرائم کے خلاف جنگ کو تیز کر دینا چاہئے اور سب کو مشترکہ طورپر افغانستان میں امن وامان کی صورتحال کو بہتر بنانے کے لئے اقدامات کرنے چاہئیں ۔
ان خیالات کا اظہار اقوام متحدہ میں چین کے مستقل مندوب لیو جی یی نے افغانستان کی صورتحال پر سیکورٹی کونسل کے ایک اجلاس میں خطاب کرتے ہوئے کیا ۔(جاری ہے)
انہوں نے اس بات پرزور دیا کہ افغانستان کے استحکام کے لئے امن و امان کو بہتر بنانا ضروری ہے ، چین افغانستان میں دہشتگردانہ حملوں کی شدید مذمت کرتا ہے اور وہ دہشتگردی کے خلاف جنگ میں افغانستان کی مکمل حمایت کرتا ہے ، چین افغانستان میں امن کے قیام اور افغانستان کی امن و امان قائم کرنے والی فورسز کی اہلیت بڑھانے کے لئے بھی تعاون کے لئے تیار ہے ۔
چینی مندوب نے اس بات کا خاص طورپر ذکر کیا کہ افغانستان کی خوشحالی اور استحکام کے لئے معاشی و سماجی ترقی بہت ضروری ہے ، اس لئے عالمی برادری کو افغانستان کی گرتی ہوئی معاشی صورتحال پرقابو پانے کے لئے اس کی مدد کرنی چاہئے ، اس کی اقتصادی اور جامع سماجی ترقی اور بنیادی ڈھانچے ، تجارت اور سرمایہ کاری کے سلسلے میں علاقائی تعاون کو مضبوط بنانا چاہئے ۔انہوں نے کہا کہ چین افغانستان کی سلامتی اور علاقائی تعاون کے لئے بھرپور مدد کرنے کو تیار ہے ، ہم افغانستان کے ساتھ بیلٹ اینڈ روڈ منصوبے اور ترقی کے لئے تعاون کرنے کو بھی تیار ہیں ، چین افغانستان میں پائیدار امن و ترقی کیلئے اپنا کردار ادا کرنے کے لئے مکمل طورپر تیار ہے ۔متعلقہ عنوان :
مزید بین الاقوامی خبریں
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
-
اسرائیلی بمباری میں ننھا بچہ زخمی، چہرے پر 200 ٹانکے لگے
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
-
فلسطینیوں پرمظالم پر امریکی جامعات میں احتجاج شدت اختیارکرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.