ہم اقتدار میں آکر مہاجرین کے مسائل ترجیحی بنیادوں پر حل کریں گے ،بیرسٹر سلطان محمود
منگل 21 جون 2016 16:57
گوجر خان (اُردو پوائنٹ اخبارتازہ ترین - این این آئی۔21 جون ۔2016ء) آزاد کشمیر کے سابق وزیر اعظم وپی ٹی آئی کشمیر کے صدر بیرسٹر سلطان محمود چوہدری نے کہا کہ ہم اقتدار میں آکر مہاجرین کے مسائل ترجیحی بنیادوں پر حل کریں گے جب میں وزیر اعظم تھا تو میں نے اس وقت بھی مہاجرین کے لئے ترقیاتی فنڈز رکھوائے تھے کیونکہ میں سمجھتا تھا کہ پاکستان میں جہاں جہاں بھی مہاجرین جموں وکشمیر مقیم ہیں انہیں ان کے علاقوں میں انکی ضروریات کے مطابق ترقیاتی کام کراکے سہولتیں فراہم کی جائیں۔
مہاجرین کی سیٹیں پی ٹی آئی کشمیر جیتے گی اور بالخصوص جموں 6 کی سیٹ پی ٹی آئی کے امیدوار چوہدری حمید پوٹھی بھاری اکثریت سے جیتیں گے۔ان خیالات کا اظہار انھوں نے آج یہاں گوجر خان میں مہاجرین کے حلقہ جموں 6 کے پی ٹی آئی کشمیر کے امیدوار چوہدری حمید پوٹھی کی انتخابی مہم کے جلسے سے خطاب کرتے ہوئے کیا۔(جاری ہے)
اس موقع پر خطاب کرتے ہوئے بیرسٹرسلطان محمود چوہدری نے مہاجرین پر زور دیا کہ وہ پی ٹی آئی کشمیر کے امیدواروں کی بھرپور حمایت کریں کیونکہ اس وقت ملک میں عمران خان ہی وہ واحد لیڈر ہیں جو ملک کوو درپیش اندارونی و بیرونی چیلنجز سے نکال سکتے ہیں ۔
عمران ہمارے قائد ہیں اور وہ پاکستان اور آزاد کشمیر میں تبدیلی لانا چاہتے ہیں لہذا عوام اس سلسلے میں ہمارا ساتھ دیں۔آزاد کشمیر کا یہ الیکشن بہت اہمیت کا حامل ہے کیونکہ اسکے بعد پاکستان کے بھی الیکشن ہیں ۔ لہذا مہاجرین جموں و کشمیر پی ٹی آئی کشمیر کے امیدواروں کو ووٹ دیکر تبدیلی کے لئے عمران خان کا ساتھ دیں۔ کیونکہ مسلم لیگ ن اور پیپلز پارٹی کے مک مکا کی وجہ سے لوگ ان دونوں پارٹیوں سے خائف ہیں اور وہ عمران خان کی صورت میں تبدیلی لانا چاہتے ہیں۔ بیرسٹر سلطان محمود چوہدری نے کہا کہ پی ٹی آئی کشمیر اقتدار میں آکرعمران خان کے ویژن کے مطابق عوام کو حقوق دلوائے گی او تعلیم و صحت عوام کی دہلیز تک پہنچائیگی۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.