آف شور کمپنیاں کرپٹ سسٹم کا ایک حصہ ہیں ۔کرپٹ سسٹم کی وجہ سے عوام کو دوائی کے نام پر زہر مل رہاہے،مشتاق احمدخان
پاکستان میں چند خاندانوں نے سیاست ، جمہوریت اور تمام اداروں کو یرغمال بنا کر ایسٹ انڈیا کمپنی کی شکل اختیار کر لی ہے،امیر جماعت اسلامی خیبرپختونخوا
اتوار 19 جون 2016 16:55
پشاور(اُردو پوائنٹ اخبارتازہ ترین - این این آئی۔19 جون ۔2016ء) امیر جماعت اسلامی خیبرپختونخوا مشتاق احمد خان نے کہا ہے کہ پاکستان میں چند خاندانوں نے سیاست ، جمہوریت اور تمام اداروں کو یرغمال بنا کر ایسٹ انڈیا کمپنی کی شکل اختیار کر لی ہے ۔ آف شور کمپنیاں کرپٹ سسٹم کا ایک حصہ ہیں ۔کرپٹ سسٹم کی وجہ سے عوام کو دوائی کے نام پر زہر مل رہاہے اور ڈگری ہولڈر نوجوان روزگار کے لیے سڑکوں پر مارے مارے پھر رہے ہیں ۔
پاکستان سے کرپشن کو ختم کر کے مدینہ کی طرز پر اسلامی و فلاحی ریاست بناناچاہتے ہیں، جہاں ہر طرح کے ظالمانہ نظام کا خاتمہ اور قرآن و سنت کے مطابق قوانین رائج ہوں ۔ جماعت اسلامی کی کرپشن فری پاکستان مہم کو زبردست عوامی مقبولیت حاصل ہوئی ہے اور مہم فیصلہ کن مرحلہ عید کے بعد شروع ہوگا۔(جاری ہے)
ہمہ گیر اور کڑے احتساب سے ہی پاکستان ترقی کرسکتا ہے۔
کرپشن کے خلاف جنگ میں نوجوانوں کو ساتھ ملا رہے ہیں۔ نوجوان ساتھ ہوں گے تو پاکستان آگے بڑھے گا۔وہ مر کز اسلامی پشاور میں مختلف وفود سے بات چیت کر رہے تھے۔ اس موقع پرسیکرٹر ی جنر ل عبدالواسع ، ڈپٹی سیکرٹری جنر ل مولانا ہدایت اﷲ اور صوبائی سیکرٹری اطلاعات محمد اقبال بھی موجو د تھے۔مشتا ق احمد خان نے بات چیت کر تے ہوئے کہاکہ حکمرانوں کی ناقص پالیسیوں اور عوام دشمن بجٹ کی وجہ سے ملک میں موت سستی اور زندگی مہنگی ہوگئی ہے ۔وفاقی وزیر خزانہ کا مہنگائی کے مارے عوام کو دال کی جگہ مرغی کھانے کامشور ہ عوام کے زخموں پر نمک پاشی ہے ۔ انہوں نے کہاکہ انہی کرپٹ سیاست دانوں کی وجہ سے 60 فی صد لوگ خط غربت سے نیچے زندگی گزارنے پر مجبور ہیں ۔ انہوں نے کہاکہ ملک سے کرپشن کا خاتمہ کسی ایک صوبے یا چند لاکھ لوگوں کا نہیں بلکہ ملک کے بیس کروڑ عوام کا ہے ۔ کرپشن نے ملک کی معاشی بنیادوں کو کھوکھلا کر دیاہے ۔ انہوں نے کہاکہ ملک کے تمام مسائل کا حل اسلامی پاکستان خوشحال پاکستان اور کرپشن فری پاکستان تحریک میں ہے ۔عوام پاکستان کو ترقی کے راہ پر گامزن کرنے کے لیے جماعت اسلامی کے پشت بان بنیں۔مزید قومی خبریں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
-
وزیر صحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.