اٹک کی چھ تحصیلوں جنڈ،حضرو،حسن ابدال ،فتح جنگ ،پنڈی گھیب اور اٹک میں بجلی کی فورس ،غیر اعلانیہ لوڈ شیڈنگ اور بار بار بجلی کی آنکھ مچولی کے سبب ضلع کی 25لاکھ کی آبادی نفسیاتی مریض بن گئی
ملک عثمان جمعرات 16 جون 2016 13:15
اٹک(اُردو پوائنٹ تازہ ترین اخبار۔16جون 2016ء ) اٹک کی چھ تحصیلوں جنڈ،حضرو،حسن ابدال ،فتح جنگ ،پنڈی گھیب اور اٹک میں بجلی کی فورس ،غیر اعلانیہ لوڈ شیڈنگ اور بار بار بجلی کی آنکھ مچولی کے سبب ضلع کی 25لاکھ کی آبادی نفسیاتی مریض بن گئی ، روزے داروں ،مریضوں ،خواتین ،بزرگ شہریوں اور بچوں کی حالت قابل دید ،شہریوں کی حکومت کے خلاف نفرت آخری حدوں کو چھو گئی شہری علاقوں میں 16اور دیہی علاقوں میں 18سے 20گھنٹے کی لوڈ شیڈنگ کے سبب کاروبار زندگی معطل ہو کر رہ گیا ،واپڈا حکام کی جانب سے بجلی کے وولٹیج میں کمی اور بعض مقامات پر وولٹیج 240سے 440کرنے کے سبب ضلع بھر میں ہزاروں افراد کے قیمتی فریج ،ریفریجریٹر ،اے سی ،سپلٹ اے سی ،ٹی وی ،کمپیوٹر ، قیمتی ایل سی ڈی ،ٹیبلٹ،ٹیوب ویل ،پانی کی موٹریں ،استریاں ،واشنگ مشینیں ، قیمتی موبائل فون اور بجلی سے چلنے والی دیگر اشیاء جن کی مجموعی مالیت اربوں روپے بنتی ہے جل چکی ہیں بجلی کی کمی پیشی سے شہریوں کا اربوں روپے کا نقصان حکومت کو لے ڈوبے گا ،مختلف علاقوں میں بجلی کے نظام میں انتہائی ناقص کار گردگی اور شہریوں کو بجلی کی فراہمی پر ناکامی پر اٹک میں درجنوں مقاما ت پر شہری روڈ بلاک اور احتجاج کر چکے ہیں تاہم بجلی کی صورت حال جوں کی توں ہے اور اس میں بہتری کے کوئی اثرات سامنے نہیں آرہے تجارتی اور پوش علاقوں میں بجلی نہ ہونے پر جنریٹروں کی آواز اور آلودگی ماحول پر مضر اثرات ڈال رہی ہے تجارتی علاقوں میں بجلی نہ ہونے کے سبب جنریٹر چلنے سے سانس کے مریض اور بزرگ شہری بے ہوش ہو چکے ہیں جن جانب کوئی توجہ نہیں دی جا رہی،لوڈ بڑھنے سے ٹرانسفارمر جل جانا معمول بن چکا ہے اور ٹرانسفارمر جل جانے پر آئیسکو ملازمین کی چاندی ہوجاتی ہے علاقے کے لوگوں کو کئی کئی دن گرمی کی شدت کے اس موسم میں بجلی سے محروم رکھ کر چندے اکھٹا کرنے پر مجبورکیا جاتا ہے اور وہ لوگ ان بد عنوان ملازمین کو ہزاروں روپے اکھٹاکر کے دیتے ہیں تو تب چار پانچ دن یا ہفتے بعد بجلی کی فراہمی دوبارہ بحال کی جاتی ہے آئیسکو ملازمین بغیر لین دین کے کوئی کام کرنے کے لیے تیارنہیں ہوتے آندھی ، طوفان ،بارش اور جھکڑ وغیرہ کی صورت میں بھی بجلی کی فراہمی دنوں کے حساب سے معطل ہو جاتی ہے اور شہریوں سے مک مکا کے بعد ان علاقوں کی بجلی بحال کی جاتی ہے اٹک کے آٹھ ممبران قومی وصوبائی اسمبلی میں سے چھ کا تعلق مسلم لیگ (ن) سے ہے جن میں ایک وفاقی وزیر ،ایک صوبائی وزیر ،ایک ایم پی اے وزیر کے برابر مراعات لے رہے ہیں جبکہ ایک ایم این اے سٹینڈنگ کمیٹی کی مراعات ،ایک ایم پی اے چیئر مین سٹینڈنگ کمیٹی کی مراعات حاصل کر رہے ہیں اور عوام کے لیے رمضان مبارک کے اس بابرکت مہینے میں ان کی کارکردگی صفر ثابت ہوئی ہے ،اگر بجلی آتی بھی ہے تو وولٹیج اتنے کم کہ کوئی مشین نہیں چل سکتی جس سے کاروبار زندگی ٹھپ ہو کر رو گیا ہے،آئے رور ٹرانسفارمر جل جاتے ہیں جس کی مرمت میں کئی دن لگتے ہیں اور کئی کئی دن لوگ بجلی سے محروم رہتے ہیں ،گرمی کے ستائے لوگ واپڈا کو کوستے نظر آتے ہیں ۔
(جاری ہے)
متعلقہ عنوان :
مزید قومی خبریں
-
چیئرمین یوتھ پروگرام رانا مشہود احمد خاں کی کے ڈپٹی گورنر سٹیٹ بینک سلیم اللہ سےملاقات
-
ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ
-
خیبرپختونخوا،غیرت کے نام پرقتل کے الزام میں 3 مشتبہ افراد گرفتار
-
دفعہ 144 کی خلاف وزری کا کیس: رہنما پی ٹی آئی اعظم سواتی کی ضمانت کنفرم
-
مئی کیس،شیخ رشید کی 3 مقدمات میں بریت کی درخواست پر نوٹس جاری
-
منشیات کی لعنت کوجڑسے ختم کرنے کیلئے پنجاب پولیس کا کریک ڈائون جاری
-
گزشتہ 14 ماہ میں ملتان ریجن پولیس ملازمین کی 3758 اپیلوں پر فیصلہ سنایا گیا
-
نان سٹمپڈ اورجعلی سگریٹس کی فروخت کے خلاف ملک گیر کریک ڈاؤن ،96 ملین روپے مالیت کے سگرٹیس ضبط
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.