ایک ہزار سے زائد اشیاء پر کسٹم ڈیوٹی میں ایک فیصد اضافہ ہوشربا مہنگائی کا باعث بنے گا ‘ناصر حمید خاں
بدھ 15 جون 2016 14:54
لاہور( اُردو پوائنٹ اخبارتازہ ترین - این این آئی۔15 جون ۔2016ء) ممبرفیڈریشن آف پاکستان چیمبرز آف کامر س اینڈ انڈسٹری و پاکستان آٹو موبائل سپیئرپارٹس امپورٹرز اینڈ ڈیلرز ایسوسی ایشن(پاسپیڈا) کی سینٹر ل ایگزیکٹو کمیٹی کے ممبر ناصر حمیدخاں نے سینٹ کی قائمہ کمیٹی برائے خزانہ کی جانب سے ایک ہزار سے زائد اشیاء پر کسٹمز ڈیوٹی میں ایک فیصد اضافے کی منظور ی پر تشویش کا اظہار کرتے ہوئے کہا ہے کہ ایک ہزار سے زائد اشیاء پر کسٹم ڈیوٹی میں ایک فیصد اضافہ ملک میں ہوشربا مہنگائی کا باعث بنے گا ۔
انہوں نے کہا کہ تاجر و صنعتکار برادری کسٹم ڈیوٹی کی شرح میں کمی کا مطالبہ کررہی تھی لیکن کسٹم ڈیوٹی میں کمی کی بجائے اس میں اضافہ کردیا گیا جس سے تاجروں کی مشکلات میں مزید اضافہ ہوگیا ہے۔(جاری ہے)
ناصر حمید خاں نے کہا کہ پاکستان میں کسٹم ڈیوٹی دیگر ممالک کی نسبت زیادہ ہے۔جس کے باعث ملک کے اندر ڈیوٹی ادا کیے بغیر اشیاء کی آمد میں اضافہ ہوگا ۔
انہوں نے کہا کہ کسٹم ڈیوٹی میں اضافہ سے سمگلنگ میں اضافہ ہوگا۔انہوں نے کہا کہ سمگلنگ کی حوصلہ شکنی کیلئے کسٹمز ڈیوٹی میں اضافہ کی بجائے کمی کی جائے کیونکہ تاجر جو ایمانداری سے کسٹمز ڈیوٹی ادا کرکے اشیاء منگواتے ہیں وہ مارکیٹ میں بغیر کسٹمز ادا کیے ہوئے سمگلنگ کے سامان کے سامنے اپنا کاروبار جاری نہیں رکھ سکتے کیونکہ سمگل شدہ اشیاء سستی اور کسٹمز ڈیوٹی ادا کرکے منگوائی گئی اشیاء مہنگی ہوتی ہیں ۔کسٹمز ڈیوٹی میں اضافہ سے سمگلنگ کے کاروبار میں اضافہ اور ملکی معیشت کو نقصان ہوگا ۔اس لیے کسٹمز ڈیوٹی میں اضافہ کا فیصلہ واپس لیا جائے اور سمگلنگ کی حوصلہ شکنی کیلئے کسٹمز ڈیوٹی میں اضافہ کی بجائے کمی کی جائے۔متعلقہ عنوان :
مزید تجارتی خبریں
-
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
-
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
-
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
عالمی اور مقامی مارکیٹوں میں سونے کی قیمت میں مزید اضافہ
-
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
-
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
-
ملک میں دالوں کی درآمدات میں جاری مالی سال کے دوران کمی
-
پاکستان سٹاک ایکسچینج میں تیزی، 100 انڈیکس72 ہزار445پوائنٹ کی نفسیاتی حد عبور کرگیا
-
برائلرگوشت اورفارمی انڈوں کے نرخ
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.