سعودی عرب کی اورلینڈو میں فائرنگ کے واقعے کی شدید مذمت
امریکی عوام کے ساتھ کھڑے اور حملے میں زخمی ہونے والوں کی جلد صحت یابی کے لیے دعاگو ہیں، امریکا اور عالمی برادری کے ساتھ مل کر تشدد اور دہشت گردی کی اس طرح کی احمقانہ کارروائیوں کے خاتمے کے لیے کام کرنے کے خواہاں ہیں واشنگٹن میں متعین سعودی سفیر عبداﷲ آل سعود کا بیان
پیر 13 جون 2016 22:45
واشنگٹن/ریاض(اُردو پوائنٹ اخبارتازہ ترین - آئی این پی۔13 جون ۔2016ء) سعودی عرب نے امریکی ریاست فلوریڈا کے شہر اورلینڈو میں فائرنگ کے واقعے کی شدید مذمت کرتے ہوئے کہا ہے کہ سعودی عرب امریکی عوام کے ساتھ کھڑا ہے اور وہ حملے میں زخمی ہونے والوں کی جلد صحت یابی کے لیے دعاگو ہے، امریکا اور عالمی برادری کے ساتھ مل کر تشدد اور دہشت گردی کی اس طرح کی احمقانہ کارروائیوں کے خاتمے کے لیے کام کرنے کے خواہاں ہیں۔
غیرملکی میڈیا کے مطابق واشنگٹن میں متعین سعودی سفیر عبداﷲ آل سعود نے ایک بیان میں کہا ہے کہ سعودی مملکت اورلینڈو ،فلوریڈا میں بے گناہ افراد پر حملے کی شدید الفاظ میں مذمت کرتی ہے اور مقتولین اور مجروحین کے خاندانوں اور دوستوں کے ساتھ تعزیت اور امریکی عوام سے ہمدردی کا اظہار کرتی ہے۔(جاری ہے)
شہزادہ عبداﷲ نے کہا کہ سعودی عرب امریکی عوام کے ساتھ کھڑا ہے اور وہ حملے میں زخمی ہونے والوں کی جلد صحت یابی کے لیے دعاگو ہے۔
ان کا کہنا تھا کہ سعودی عرب امریکا اور عالمی برادری کے ساتھ مل کر تشدد اور دہشت گردی کی اس طرح کی احمقانہ کارروائیوں کے خاتمے کے لیے کام کرنے کا خواہاں ہے۔گزشتہ روز اورلینڈو میں ہم جنس پرستوں کے ایک نائٹ کلب میں ایک مسلح شخص کی فائرنگ سے پچاس افراد ہلاک اور پچاس سے زیادہ زخمی ہوگئے تھے ۔اورلینڈو کے پلس نائٹ کلب میں اتوار کو علی الصباح حملہ امریکا کی جدید تاریخ میں فائرنگ کا بدترین واقعہ ہے۔یہ فائرنگ افغان نژاد امریکی شہری عمر ایس متین نے کی ہے۔عراق اور شام میں برسرپیکار سخت گیر جنگجو گروپ داعش نے اس حملے کی ذمے داری قبول کرنے کا دعوی کیا ہے۔مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.