ہم جنس پرست امریکیوں کے افغانی نژاد قاتل کی تصاویر، ویڈیوجاری

پیر 13 جون 2016 11:59

واشنگٹن(اُردو پوائنٹ اخبارتازہ ترین - این این آئی۔13 جون ۔2016ء) ہم جنس پرست امریکیوں کے افغانی نژاد قاتل کی تصاویر جاری کردی گئیں،حملہ آور کے زیر استعمال اسلحہ بھی دکھایاگیا ہے جو ا س نے نائٹ کلب میں استعمال کیا،رب ٹی وی نے نے سوشل میڈیا، پرنٹ اور الیکٹرانک میڈیا کی مانیٹرنگ کرتے ہوئے اورلینڈو نائیٹ کلب میں حملہ کرنے والے افغان نڑاد امریکی کے بارے میں اہم معلومات جمع کی ہیں ،مائی سپیس نامی سوشل نیٹ ورکنگ ویب سائیٹ پر نائیٹ کلب کے حملہ آور کی تصاویر موجود ہیں۔

(جاری ہے)

29 سالہ حملہ آور کی شناخت عمر متین کے نام سے کی گئی ہے۔عمرمتین کے والد میر صدیق ایک افغان نڑاد امریکی ہیں۔ذرائع ابلاغ میں عمر ایس متین نامی افغان نڑاد حملہ آورکے زیراستعمال اسلحہ بھی دکھایا گیا ہے۔اس نے نائیٹ کلب میں داخل ہونے کے بعد یرغمالیوں کو AR-15 نامی رائفل اور ایک پستول سے اندھا دھند گولیاں برسائیں۔ اس کا اسلحہ اور ’وان‘ ماڈل کی کار اب پولیس کے قبضے میں ہیں۔اولینڈو میں قائم اوریجنل میڈیکل سینٹر کے ایک ڈاکٹر ’مائیک چھتام‘ کا کہناتھا کہ اسپتال میں 46 زخمیوں کو لایا گیا جن میں سے بیشتر کی حالت انتہائی تشویشناک ہے۔

Facebook Twitter Google + Share on Whatsapp

ہم جنس پرست امریکیوں کے افغانی نژاد قاتل کی تصاویر، ویڈیوجاری

متعلقہ عنوان :

مزید بین الاقوامی خبریں