جرمنی ، حکومتی اتحادی جماعت کاترک صدرپر سفری پابندیاں عائد کرنے کا مطالبہ
ترکی کی یورپی یونین میں شمولیت پربات چیت بھی فوری روک دی جائے،رہنماؤں کی گفتگو
پیر 13 جون 2016 11:59
برلن(اُردو پوائنٹ اخبارتازہ ترین - این این آئی۔13 جون ۔2016ء) ترک صدر ایردوآن کی جانب سے جرمن پارلیمان کے ترک نڑاد ارکان کی تضحیک کرنے کے بعد دونوں ممالک کے مابین سیاسی کشیدگی بڑھتی جا رہی ہے۔ ایردوآن اور ان کے کچھ ساتھیوں پر سفری پابندیاں عائد کرنے کا مطالبہ سامنے آیا ہے۔میڈیارپورٹس کے مطابق جرمن پارلیمان میں بائیں بازو کی جماعت دی لنکے کی رکن سیوم ڈاہڈیلن نے ان تمام ترک شہریوں پر سفری پابندیاں عائد کرنے کا مطالبہ کیا ہے، جو نفرت اور اشتعال انگیزی پھیلا رہے ہیں اس فہرست میں ترک صدر رجب طیب ایردوآن بھی شامل ہیں۔
انہوں نے جرمن چانسلر میرکل کو مخاطب کرتے ہوئے کہا کہ چانسلر کو چاہیے کہ وہ ایردوآن کے زبانی حملوں کا ذاتی طور پر جواب دیں۔ سیوم ڈاہڈیلن 2005ء سے جرمن پارلیمان کی رکن ہیں،کوئی بھی شخص ترکی میں بیٹھ کر جرمن ارکان کے خلاف تشدد کی بات کرے گا تو اس کے داخلے پر پابندی ہونی چاہیے۔(جاری ہے)
چانسلر میرکل کو ایردوآن سے دوری اختیار کرنی چاہیے۔دوسری جانب یورپی پیپلز پارٹی (ای وی پی) کے رہنما منفریڈ ویبر نے کہاکہ ترکی کی یورپی یونین میں شمولیت کے موضوع پر مذاکرات کو فوری طور پر روک دیے جائیں۔
ویبر نے ایک انٹرویو میں کہاکہ ہم یورپی یونین میں ترکی کو مکمل طور پر شامل کیے جانے کے اپنے ہدف سے روز بروز دور ہوتے جا رہے ہیں۔ ان کے بقول وہ یورپی یونین کے کسی بھی ایسے رہنما کو نہیں جانتے، جو سنجیدگی سے یہ چاہتا ہو کہ ترکی کو اس اتحاد میں شامل کیا جائے۔ اس موقع پر منفریڈ ویبر نے کہا کہ سوشل ڈیموکریٹک پارٹی کو انقرہ کے بارے میں اپنی پالیسیوں پر نظر ثانی کرنی چاہیے۔متعلقہ عنوان :
مزید بین الاقوامی خبریں
-
آسٹریلیا میں مقیم پاکستانی ڈاکٹر تصور اسلم بھٹہ کی لکھی گئی کتاب ”زبان یار من ترکی“ کی تقریب رُونمائی
-
برطانیہ کا اسرائیل کو اسلحہ برآمد کرنے کا نظام امریکا جیسا نہیں ، ڈیوڈ کیمرون
-
عازمین حج میں 40 ملین آب زم زم کی بوتلیں تقسیم کی جائیں گی، الزمازمہ کمپنی
-
وطن واپس آکر بہت خوش ہوں، شہزادہ ہیری
-
بھارت کو پاکستان کی عزت کرنی چاہیے، منی شنکر ائیر
-
سابق امریکی صدر ڈونلڈ ٹرمپ کے بیٹے کی سیاست کے میدان میں قدم رکھ دیا
-
امریکی سکھ شہری پر قاتلانہ حملے کے شواہد موجود ہیں،امریکا
-
سعودی عرب میں یکم جون سے موسم گرما کا آغاز ہوگا
-
قید سے رہا ہونے والامجرم اہلیہ سے بدلہ لے کردوبارہ جیل پہنچ گیا
-
بھارت میں خاتون نے 5 بچوں کو جنم دے دیا
-
سورج میں زمین سے 15 گٴْنا بڑا طوفان .
-
شادی شدہ مسلمانوں کے ناجائز تعلقات پر بھارتی عدالت کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.