P&Tکالونی میں جاری غیر قانونی تعمیرات اور ناجائز تجاوزات کا دھند ہ فی الفور بند کرایاجائے، رابطہ کمیٹی ایم کیوایم
جمعرات 9 جون 2016 22:46
کراچی (اُردو پوائنٹ اخبارتازہ ترین - این این آئی۔09 جون ۔2016ء) متحدہ قومی موومنٹ کی رابطہ کمیٹی نے ڈیفنس کلفٹن کے علاقے P&Tکالونی میں غیر قانونی تعمیرات اور ناجائز تجاوزات کے قیام کی سخت ترین الفاظ میں مذمت کی ہے اور مطالبہ کیا ہے کہ P&Tکالونی میں جاری غیر قانونی تعمیرات اور ناجائز تجاوزات کا دھند ہ فی الفور بند کرایاجائے ۔ ایک بیان میں رابطہ کمیٹی نے کہاکہ غیر قانونی تعمیرات اورناجائز تجاوزات کے قیام سے P&Tکے عوام سراپا احتجاج ہیں لیکن اس کے باوجود حکومت اور انتظامیہ کی جانب سے غیر قانونی تعمیرات اورناجائز تجاوزات کا مکروہ کاروبار بند کرنے کیلئے کسی قسم کے اقدامات نہیں کئے جارہے ہیں جس کی جتنی بھی مذمت کی جائے کم ہے ۔
رابطہ کمیٹی نے کہاکہ کراچی میں جرائم پیشہ افراد کی سرکوبی کیلئے ٹارگٹ آپریشن جاری ہے اور اس آپریشن میں صرف اور صرف ایم کیوایم کو نشانہ بنایاجارہا ہے جبکہ شہر میں غیر قانونی تعمیرات اور ناجائز تجاوزات کے قیام کے دھندے میں ملوث عناصر نہ صرف آزاد ہیں بلکہ قانون کی گرفت سے بھی محفوظ ہیں ۔(جاری ہے)
رابطہ کمیٹی نے کہاکہ غیر قانونی تعمیرات اور ناجائز تجاوزات کے قیام سے P&Tکالونی کی نہ صرف تاریخی حیثیت متاثر ہورہی ہیں بلکہ علاقے میں پانی ، بجلی ، سیوریج کے مسائل بھی سنگین ہوتے جارہے ہیں اور غیر قانونی تعمیرات و ناجائز تجاوزات کا بوجھ بھی پی اینڈ ٹی کالونی کے مکین جبراً اٹھانے پر مجبور ہیں ۔
رابطہ کمیٹی نے کہاکہ اگر کراچی آپریشن غیر جانبدارانہ ہے تو شہر میں غیر قانونی تعمیرات اور ناجائز تجاوزات کے قیام میں ملوث بااثر ملزمان قانون نافذ کرنے والے اداروں کی نظروں سے کیوں اوجھل ہیں اور انہیں کس کی سرپرستی حاصل ہے ۔ رابطہ کمیٹی نے ایم کیوایم پر جتنے چاہے مظالم ڈھا لئے جائیں ، اسے چائنا کٹنگ میں ملوث قرار دیاجائے لیکن ایم کیوایم ہر اس مسئلے پر آواز بلند کرے گی جو غیر قانونی، ناجائز اور عوامی امنگوں کے بر خلاف ہو چاہے اس کیلئے ایم کیوایم کو کوئی بھی قیمت کیوں نہ چکانا پڑے ۔ رابطہ کمیٹی نے مزید کہا کہ P&Tکالونی میں غیر قانونی تعمیرات اور ناجائز تجاوزات کی اطلاع بمعہ ثبو ت و شواہد انتظامیہ کو فراہم کئے جاچکے ہیں لیکن انتظامیہ کی خاموشی کچھ اور ہی قصہ بیان کررہی ہے ۔ رابطہ کمیٹی نے وزیراعظم نواز شریف اور وزیرا علیٰ سندھ قائم علی شاہ سے مطالبہ کیا کہ P&Tکالونی میں غیر قانونی تعمیرات اور ناجائز تجاوزات کے قیام فی الفور رکوایاجائے اور اس کی سرپرستی میں ملوث تمام افراد کو گرفتار کرکے آئین و قانون کے مطابق سخت سے سخت ترین سزا دی جائے ۔مزید قومی خبریں
-
اٹک پولیس نے مرغوں کی لڑائی پرقمار بازی کرنے والے 10 افراد گرفتارکرلئے
-
اٹک ، سرکاری سکول سے سولرپلیٹس چوری کرنے والاملزم گرفتار
-
تین سالہ معصوم بچے اغواء کرکے جنسی زیادتی کرنے والا درندہ صفت ملزم اپنے ہی ساتھیوں کی فائرنگ سے ہلاک
-
رہنما پیپلز پارٹی آصفہ بھٹو زرداری کے ممبر قومی اسمبلی منتخب ہونے پرمسیحی برادری کا جشن
-
پیپلز پارٹی پنجاب کے ضمنی الیکشن میں ن لیگ کی مکمل حمایت کرے گی، رہنما پی پی پی راجہ پرویزاشرف
-
محکمہ ایجوکیشن کا سینئرکلرک رشوت لیتے رنگے ہاتھوں گرفتار
-
صوبائی وزراء خواجہ سلمان رفیق ، بلال یاسین کا حالات کا جائزہ لینے کیلئے گورنمنٹ میاں منشی ہسپتال کا دورہ
-
جیکب آباد، 30 سالہ نوجوان نے گلے میں رسی ڈال کر خودکشی کرلی
-
نومئی کے حملہ آور آج ملکی مفاد پر حملہ آور ہیں، عطااللہ تارڑ
-
وفاقی وزیر برائے وفاقی تعلیم اور پیشہ ورانہ تربیت سے برطانوی ہائی کمشنر کی ملاقات، تعلیمی شعبہ کی صوبوں کو منتقلی سے درپیش چیلنجز اور مواقع پر بھی تبادلہ خیال
-
چیچہ وطنی بوریوالہ روڈ پر منی ٹرک کی ٹکر سے موٹر سائیکل پر سوار دو افراد جاں بحق
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.