کراچی، جوڈیشل مجسٹریٹ عدالت کا گلشن چورنگی کے قریب واقع نجی اسٹور کو دوپہر ساڑھے 3 بجے سے رات ساڑھے 9 بجے تک بند رکھنے کا حکم
جمعرات 9 جون 2016 20:33
کراچی (اُردو پوائنٹ اخبارتازہ ترین - آن لائن۔09 جون ۔2016ء) جوڈیشل مجسٹریٹ کراچی شرقی کی عدالت نے پارکنگ کی جگہ نہ ہونے اور شدید ٹریفک جام کے باعث گلشن چورنگی کے قریب واقع نجی اسٹور کو دوپہر ساڑھے 3 بجے سے رات ساڑھے 9 بجے تک بند رکھنے کا حکم دیا ہے۔ عدالت نے ایک درخواست پر حکم دیا ہے کہ مارکیٹ کی چند روز قبل گلشن اقبال میں موتی محل کے قریب کھلنے والی شاخ کی انتظامیہ ڈپٹی کمشنر شرقی کے ساتھ پارکنگ کے حوالے سے ہونے والے معاہدے پر عمل درآ مد میں ناکام رہی ہے جس کی وجہ سے ٹریفک کی روانی بری طرح متاثر ہو رہی ہے، لہذا سپر مارکیٹ نئے احکامات آنے تک دوپہر ساڑھے 3 بجے سے رات ساڑھے 9 بجے تک بند رکھی جائے۔
عدالت کی جانب سے جاری فیصلے میں کہا گیا ہے کہ جن اوقات میں سپر مارکیٹ کھلی رہے گی ان میں بھی علاقے کی نگرانی کی جائے گی اور اگر اس دوران بھی ٹریفک کی روانی متاثر ہوئی تو پھر سپر اسٹور کو مکمل طور پر بند کرنے کے احکامات بھی جاری کئے جا سکتے ہیں۔(جاری ہے)
اسسٹنٹ کمشنر شوکت علی نے مارکیٹ کو بند کرنے کے عدالتی احکامات کی تصدیق کرتے ہوئے بتایا کہ اگر مارکیٹ انتطامیہ نے احکامات کی خلاف ورزی کی تو پھر ان کے خلاف ایف آئی آر درج کی جائے گی ۔
مقامی انتظامیہ کا کہنا ہے کہ عام طور پر سپر مارکیٹ میں خریداری کے لئے آنے والوں کی 700 سے 800 گاڑیاں ایک وقت میں موجود ہوتی ہیں جب کہ مارکیٹ انتظامیہ کے پاس اتنی بڑی تعداد میں گاڑیوں کے پارک کرنے کی گنجائش نہیں جس کی وجہ سے ٹریفک کی روانی رک جاتی ہے اور منٹوں کا سفر گھنٹوں میں بھی طے نہیں ہوپاتا۔ مارکیٹ انتظامیہ کا کہنا ہے کہ ہمارے پاس 300 گاڑیوں کی پارکنگ کی جگہ موجود ہے جب کہ صارفین کی سہولت کے لئے مزید پارکنگ کا بندوبست بھی جلد کرلیا جائے گا۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.