پانامہ لیکس ،اپوزیشن کے مشترکہ ٹی آو آرز حکومت کو پیش
اپوزیشن نے حکومت کے پیش کردہ تین ٹی آو آرز تسلیم جبکہ ایک میں مذید ترمیم کی تجویز دیدی ،حکومت نے اپوزیشن کے ٹی آوآرز پر مشاورت کیلئے جمعہ تک مہلت مانگ لی لگتا ہے حکومت اپنی مرضی اور منشاکے مطابق تحقیقات چاہتی ہے پانامہ لیکس کو سب سے پہلے شامل کئے بغیر کسی قسم کی تحقیقات قابل قبول نہیں،اپوزیشن،پریس کانفرنس
منگل 7 جون 2016 19:54
اسلام آباد(اُردو پوائنٹ اخبارتازہ ترین - آن لائن۔07 جون ۔2016ء ) اپوزیشن رہنماؤں نے پانامہ لیکس کے بارے میں اپوزیشن کے مشترکہ ٹی آو آرز حکومت کو پیش کر دئیے جبکہ اپوزیشن نے حکومت کی جانب سے پیش کئے جانے والے تین ٹی آو آرز کو تسلیم جبکہ ایک میں مذید ترمیم کی تجویز دیدی ہے ،حکومت نے اپوزیشن کے ٹی آوآرز پر مذید مشاورت کیلئے جمعہ تک مہلت طلب کر لی ہے ،منگل کے روز پانامہ لیکس کی تحقیقات کیلئے مشترکہ ٹی او آرز بنانے والی اپوزیشن کمیٹی کے اراکین اعتزاز احسن ،شاہ محمود قریشی ،سینیٹر الیاس بلور،صاحبزادہ طارق اللہ ،چوہدری طارق بشیر چیمہ اور بیرسٹر سیف نے مشترکہ پریس کانفرنس سے خطاب کرتے ہوئے کہاکہ مشترکہ اپوزیشن کی جانب سے پانامہ لیکس کی تحقیقات کیلئے جو تجاویز طے کی گئی تھی وہ حکومت کو پیش کر دی گئی ہیں جبکہ حکومت کے ٹی او آرز کے تین نکات کو اپوزیشن نے من و عن تسلیم کر لیا ہے جبکہ ایک نکتے کو مذید بہتر بنانے کیلئے تجاویز دی ہیں انہوں نے بتایاکہ حکومت نے اپوزیشن کی تجاویز پر مذید وقت مانگا ہے اس موقع پر انہوں نے کہاکہ لگتا ہے کہ حکومت کو ہمارے ٹی آو آرز قابل قبول نہیں ہے انہوں نے کہاکہ احتساب کا عمل پانامہ لیکس سے شروع کیا جائے گا کیونکہ اس کمیٹی کا نام ہی پانامہ لیکس کمیٹی ہے انہوں نے کہاکہ حکومت کی خواہش تھی کہ پانامہ لیکس کے ساتھ ساتھ قرضوں کی معافی ،کمیشن اور کک بیکس کے حوالے سے بھی تحقیقات کی جائیں جس کو ہم نے تسلیم کر لیا ہے مگر لگتا ہے کہ حکومت اپنی مرضی اور منشاکے مطابق پانامہ لیکس کی تحقیقات چاہتی ہیں انہوں نے واضح کیا کہ پانامہ لیکس کی تحقیقات کو سب سے پہلے شامل کئے بغیر کسی قسم کی تحقیقات قابل قبول نہ ہونگی ۔
۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.