وفاقی حکومت نے آف شور کمپنیوں میں غیر اعلانیہ اثاثوں کو ریگولرائز کرنے کے پیکج پر کام شروع کردیا
ایف بی آر کا وفد، او ای سی ڈی انتظامیہ سے مذاکرات کیلئے 23 جون کو جرمنی جائے گا
منگل 7 جون 2016 18:14
اسلام آباد(اُردو پوائنٹ اخبارتازہ ترین - این این آئی۔07 جون ۔2016ء) وفاقی حکومت نے آف شور کمپنیوں میں غیر اعلانیہ اثاثوں کو ریگولرائز کرنے کے پیکج پر کام شروع کردیا۔ٹیکس عہدیداران نے نجی ٹی وی کو بتایا کہ اس پیکج کا رواں سال اگست میں اعلان کیا جائیگا ٗ اسے حتمی شکل دینے اور عملدرآمد کی ذمہ داری فیڈرل بورڈ آف ریونیو (ایف بی آر)، سیکیورٹیز اینڈ ایکسچینج کمیشن آف پاکستان (ایس ای سی پی) اور اسٹیٹ بینک کی ہوگی۔
ٹیکس عہدیدار کے مطابق ہم سے کہا گیا ہے کہ ہم ممکنہ ٹیکس دہندگان کی آف شور اور غیر اعلانیہ کمپنیوں کو ریگولرائز کرنے کے حوالے سے منصوبہ پیش کریں۔ٹیکس اصلاحات کمیشن اس منصوبے پرپاناما لیکس کا معاملہ خبروں کی زینت بننے کے کافی عرصے قبل سے کام کر رہا ہے۔(جاری ہے)
ٹیکس عہدیدار نے کہا کہ حکومت آرگنائزیشن آف اکنامک کوآپریشن اینڈ ڈویلپمنٹ (او ای سی ڈی) کی رکنیت حاصل کرنے کیلئے پرامید ہے جس سے ٹیکس حکام پاکستانیوں کی، بیرون ملک سرمایہ کاری سے متعلق معلومات حاصل کرسکیں گے ٗاس وقت او ای سی ڈی کے 34 رکن ممالک ہیں، جن میں امریکا اور برطانیہ بھی شامل ہیں۔
انہوں نے کہا کہ اس سلسلے میں ایف بی آر کا وفد، او ای سی ڈی انتظامیہ سے مذاکرات کیلئے 23 جون کو جرمنی جائے گا جبکہ ہم پہلے ہی او ای سی ڈی کی رکنیت حاصل کرنے کی کئی شرائط پوری کرچکے ہیں۔انہوں نے کہاکہ مجوزہ پیکج میں غیر ملکی اثاثوں کو سامنے لانے کے لیے 2 قوانین بھی متعارف کرائے جائیں گے جن میں سے ایک قانون غیر ملکی اثاثے اور آمدنی ظاہر نہ کرنے والوں کو قانونی تحفظ فراہم کریگا۔ٹیکس عہدیدار کے مطابق مجوزہ اسکیم کو حتمی شکل دینے سے قبل اپوزیشن جماعتوں کو بھی اعتماد میں لیا جائے گا۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.