استنبول میں پولیس بس پر بم حملہ7پولیس اہلکاروں سمیت 11افراد ہلاک36زخمی ہوگئے
سمیرا فقیرحسین منگل 7 جون 2016 11:04
استنبول (اردو پوائنٹ اخبارتازہ ترین-انٹرنیشنل پریس ایجنسی۔07جون۔2016ء) ترکی کے شہر استنبول کے وسطی علاقے میں پولیس کی ایک گاڑی کو بم دھماکے کا نشانہ بنایا گیا ہے جس کے نتیجے میں سات پولیس اہلکاروں سمیت 11 افراد ہلاک جبکہ 36 افراد کے زخمی ہونے کی اطلاعات ہیں جن میں سے تین افراد کی حالت نازک بتائی جاتی ہے۔ترکی کے سرکاری ٹی وی چینل "ٹی آر ٹی" کے مطابق استنبول کے علاقے 'بایزید' سے گزرنے والی پولیس بس کو ریموٹ کنٹرول بم کے ذریعے سے نشانہ بنایا گیا تھا۔
استنبول کے گورنر کے مطابق کار بم دھماکے میں 7 پولیس اہلکاروں سمیت 4 شہری ہلاک ہوچکے ہیں اور 36 افراد زخمی ہیں جنہیں اسپتال منتقل کردیا گیا ہے۔ ان افراد میں سے تین کی حالت انتہائی نازک ہے۔جائے حادثہ پر ایمبولنس اور فائر بریگیڈ کی گاڑیاں فوری طور پر روانہ کردی گئی تھیں۔(جاری ہے)
دھماکے کے بعد استنبول یونیورسٹی نے آج ہونے والے تمام امتحانات ملتوی کردئیے ہیں۔
ترکی میں رواں سال کے دوران استنبول شہر میں ہی دو جان لیوا دھماکے ہوچکے ہیں جن کی ذمہ داری داعش پر عاید کی گئی ہے اور اس کے علاوہ انقرہ میں بھی کرد جنگجوﺅں کی جانب سے حملے کئے گئے تھے جس کی ذمہ داری 'کردستان فریڈم فالکنز' نامی گروپ نے قبول کی تھی۔اطلاعات کے مطابق ریموٹ کنٹرول سے کیا جانے والا یہ دھماکہ منگل کی صبح شہر کے مصروف علاقے بایزید چوک کے قریب ہوا اور اس کا ہدف ایک پولیس بس تھی۔ استنبول میں بایزید چوک کا علاقہ ترکی میں آنے والے سیاحوں میں بہت مقبول ہے۔دھماکے سے پولیس کی بس کے علاوہ آس پاس کی عمارتوں کو بھی نقصان پہنچا ہے۔ترکی میں کرد علیحدگی پسندوں اور حکومت کے درمیان کشیدگی اور ہمسایہ ملک شام میں جاری تنازع کی وجہ سے پرتشدد واقعات میں اضافہ ہوا ہے۔متعلقہ عنوان :
مزید اہم خبریں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.