ایم ایس دھونی نے اپنی زندگی پر بننے والی فلم ریلیز کرنے کی اجازت دیدی

دھونی اور ان کے خاندان نے فلم دیکھنے کے بعد کسی سین پر کوئی اعتراض نہیں کیا

پیر 6 جون 2016 19:04

ایم ایس دھونی نے اپنی زندگی پر بننے والی فلم ریلیز کرنے کی اجازت دیدی

ممبئی(اُردو پوائنٹ اخبارتازہ ترین - آئی این پی۔06 جون۔2016ء) بھارتی کرکٹ ٹیم کے کپتان ایم ایس دھونی کی زندگی پر بننے والی فلم کی ان کے خاندان اور انہوں نے دیکھنے کے بعد ریلیز کرنے کی منظوری دے دی۔بھارتی میڈیا کے مطابق ہدایت کار نیراج پانڈے کی فلم ایم ایس دھونی بھارتی کرکٹ ٹیم کے کپتان دھونی کی زندگی پر بنائی گئی ہے جس میں شوشانت سنگھ راجپوت مرکزی کردار ادا کر رہے ہیں۔

(جاری ہے)

فلم کی ریلیز سے قبل دھونی اور ان کے خاندان کو فلم دکھائی گئی جس کے بعد انہوں نے فلم ریلیز کرنے کی اجازت دے دی جب کہ دھونی کے خاندان کی جانب سے فلمائے گئے کسی بھی سین پر کوئی اعتراض نہیں کیا گیا۔دوسری جانب فلم کی ریلیز کی تاریخ کا اب تک باقاعدہ اعلان نہیں کیا گیا تاہم ڈائریکٹر نیراج پانڈے ان دنوں اپنی ایک اور فلم رابطہ کی شوٹنگ میں مصروف ہیں اور فلم بھارٹی ٹیم کے کپتان ایم ایس دھونی کی جانب سے کلئیرنس ملنے کے بعد وہ جلد فلم کی ریلیز کی تاریخ کا اعلان کریں گے۔

متعلقہ عنوان :