پاکستان ماحولیاتی تبدیلی سے سب سے زیادہ متاثرہ ملکوں میں 8ویں نمبر پر ہے ‘ حکومت کلائمیٹ اتھارٹی تشکیل دے رہی ہے‘ ماحولیاتی تبدیلی کے مسئلے کے حل کے لئے حکومت سنجیدہ اقدامات کر رہی ہے، سی پیک کے تحت کوئلے کے پاور پلانٹس جدید ٹیکنالوجی کے حامل ہونگے
وفاقی وزیر قانون و انصاف و ماحولیاتی تبدیلی زاہد حامد کا ایوان بالا میں وقفہ سوالات کے دوران جواب
جمعرات 2 جون 2016 15:02
اسلام آباد ۔ 2 جون (اُردو پوائنٹ اخبارتازہ ترین - اے پی پی۔02 جون۔2016ء) وفاقی وزیر قانون و انصاف و ماحولیاتی تبدیلی زاہد حامد نے کہا ہے کہ پاکستان ماحولیاتی تبدیلی سے سب سے زیادہ متاثرہ ملکوں میں 8ویں نمبر پر ہے جبکہ اس کے برعکس ماحول کو خراب کرنے میں ہمارا حصہ بہت کم ہے‘ حکومت کلائمیٹ اتھارٹی تشکیل دے رہی ہے‘ ماحولیاتی تبدیلی کے مسئلے کے حل کے لئے حکومت سنجیدہ اقدامات کر رہی ہے، سی پیک کے تحت کوئلے کے پاور پلانٹس جدید ٹیکنالوجی کے حامل ہونگے ۔
جمعرات کو ایوان بالا کے اجلاس میں وقفہ سوالات کے دوران وزیر قانون زاہد حامد نے بتایا کہ ملک میں ماحولیاتی تبدیلی بہت اہم مسئلہ ہے جس کا ملک کو سامنا ہے‘ ایک جرمن این جی اونے ہمیں چند سال قبل ان 10 ملکوں میں شامل کیا جو ماحولیاتی تبدیلی سے سب سے زیادہ متاثر ہیں۔(جاری ہے)
اب ہم آٹھویں نمبر پر آگئے ہیں۔ گلوبل وارمنگ سے بھی ہم بہت متاثر ہیں جبکہ ماحول کو خراب کرنے میں ہمارا حصہ بہت کم ہے۔
موجودہ حکومت نے ماحولیاتی تبدیلی کے مسئلے پر قلیل‘ وسط اور طویل المدت پالیسی اپنائی ہے اور اس حوالے سے پالیسی بھی تشکیل دی گئی ہے۔ نیشنل فاریسٹ پالیسی بھی تشکیل دی گئی ہے۔ وزیراعظم نے رواں سال گرین پاکستان مہم کا آغاز کیا ہے، وہ(وزیراعظم) ماحولیاتی تبدیلی کے مسئلے میں گہری دلچسپی لے رہے ہیں۔ ملک میں کلائمیٹ اتھارٹی بنائی جارہی ہے۔ دسمبر 2015ء میں پیرس میں ہونے والی کانفرنس میں ایک معاہدہ طے پایا تھا جس پر پاکستان نے بھی دستخط کئے ہیں۔ سینیٹر محسن لغاری کے سوال کے جواب میں وزیر قانون و موسمیاتی تبدیلی زاہد حامد نے بتایا کہ سی پیک کے تحت کوئلے سے چلنے والے جو پاور پلانٹس لگائے جائیں گے وہ جدید ٹیکنالوجی کے حامل ہوں گے۔ انہوں نے کہاکہ ملک میں توانائی کی قلت دور کرنا سب سے ضروری اور اہم ہے۔ بہتر ٹیکنالوجی سے ان پاور پلانٹس کے ماحولیاتی اثرات کو کم کیا جاسکتا ہے۔ مغرب میں بھی یہ استعمال ہو رہے ہیں۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.