پیمرا کا 114واں اجلاس ،ڈی ٹی ایچ کی لائسنسنگ کے عمل کو شروع کرنے کی اجازت دیدی گئی
تفصیلی لائحہ عمل کا اعلان ڈی ٹی ایچ سے متعلقہ ریگولیشیز کی گزٹ نوٹیفکیشنز کے بعد کیا جائے گا
بدھ 1 جون 2016 19:22
اسلام آباد (اُردو پوائنٹ اخبارتازہ ترین - آن لائن۔یکم جون۔2016ء) میڈیا کی ترقی اور ترویج میں ایک اہم سنگ میل کی طرف بڑھتے ہوئے پیمرا نے بدھ کے روز ہونے والے 114ویں اجلاس میں ڈی ٹی ایچ کی لائسنسنگ کے عمل کو شروع کرنے کی اجازت دیدی ۔ ڈی ٹی ایچ کے ذریعے نہ صرف صارفین کو اعلیٰ معیار کا جدید نظام میسر ہو گا بلکہ سرمایہ کاری کے بھی بے شمار مواقع میسرہوں گے اورنوجوانوں کے لیے بہتر اور با عزت روزگار یقینی بنے گا۔
ڈی ٹی ایچ کے عمل کی منظوری ادارے کے افسران پر مشتمل کمیٹی کی سفارشات، قانونی مشاورتی رپورٹ اور عوامی مشاورت کے نتیجے میں حاصل شدہ سفارشات کی روشنی میں دی گئی۔ اس ضمن میں تفصیلی لائحہ عمل کا اعلان ڈی ٹی ایچ سے متعلقہ ریگولیشیز کی گزٹ نوٹیفکیشنز کے بعد کیا جائے گا۔(جاری ہے)
پیمرا ڈی ٹی ایچ کے عمل کو حد درجہ شفاف بنانے کے لیے سر گرم عمل ہے اور اس ضمن میں میڈیا، نیب، ایف آئی اے اور دیگر انٹیلی جنس ایجنسیز کے نمائندگان کو عمل کے آغاز سے ہی شامل کرے گا۔
اس سلسلے میں چیئرمین پیمرا نے ان تمام اداروں کے سربراہوں کو اپنے اپنے اداروں کے نمائندوں کی نامزدگی کے لیے خطوط لکھ دیے ہیں۔اتھارٹی نے میسرز فارچون مارکیٹنگ پرائیویٹ لمٹیڈ کے چینل "دن نیوز" کا لائسنس سالانہ تجدیدی فیس کو سال ہا سال سے جمع نہ کروانے کی پاداش پر معطل کر نے کی بھی منظوری دی لائسنس فیس اور دیگرواجبات جمع کروانے کے لیے دن نیوز چینل کو بار ہا مواقع فراہم کیے گئے تا ہم کوئی مثبت جواب موصول نہ ہوا۔ اعلیٰ عدلیہ کے خلاف مواد نشر کرنے پر بھی دن نیوز چینل کو شو کاز نوٹسز، وارننگز اور جرمانہ عائد کیا جا چکا ہے تاہم پیمرا کی متعدد بار یاد دہانی کے باوجود دن نیوز نے ابھی تک یہ جرمانے ادا نہیں کیے جس کی بنیاد پرپیمرا نے دن نیوز کا لائسنس فوری طور پر معطل کرنے کی منظوری دی ہے۔چیئرمین پیمرا ابصار عالم کی زِیر صدارت اجلاس میں سیکریٹری اطلاعات و نشریات عمران گردیزی ، سیکریٹری داخلہ عارف احمد خان، چیئرمین پی ٹی اے ڈاکٹر اسماعیل شاہ ، محترمہ شاہین حبیب الله(ممبر خیبرپختونخوا)اور محترمہ نرگس ناصر (ممبر پنجاب) نے شرکت کی۔متعلقہ عنوان :
مزید اہم خبریں
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.