عظیم ترین فاسٹ باؤلر،کوچ اورکمنٹیٹروسیم اکرم (پرسوں )50سال کے ہوجائیں گئے

لاہور(اُردو پوائنٹ اخبارتازہ ترین - این این آئی۔یکم جون۔2016ء) کرکٹ کی دنیاکے عظیم ترین فاسٹ باؤلر،کوچ اورکمنٹیٹروسیم اکرم (جمعہ )50سال کے ہوجائیں گئے۔وسیم اکرم3جون1966ء کو لاہور میں پیداہوئے۔وسیم اکرم نے1993ء میں ویسڈن کرکٹرآف دی ایئرکااعزازحاصل کیا۔انہوں نے اپنے ٹیسٹ کیرئیرکاآغاز25جنوری1985ء کونیوزی لینڈ کیخلاف آکلینڈ میں کیااورآخری ٹیسٹ9تا11جنوری2002ء کوڈھاکہ میں میں بنگلہ دیش کیخلاف کھیلا۔

انہوں نے ٹیسٹ کرکٹ بیٹنگ میں۔ 104 میچوں کی147اننگز میں22.64کی اوسط سے2898رنزبنائے۔جن میں3سنچریاں اور7نصف سنچریاں شامل ہیں۔انکازیادہ سے زیادہ سکور257رنزہے۔بولنگ میں 22627اووروں میں9779رنزدے کر23.62کی اوسط سے414وکٹیں لیں۔وہ25بار5اور5بار10یا10سے زائدوکٹیں لے چکے ہے۔وہ فیلڈنگ کے دوران44کیچ بھی لے چکے ہیں۔

(جاری ہے)

وسیم اکرم نے اپنے ون ڈے انٹرنیشنل کیرئیرکاآغاز23نومبر1984ء کونیوزی لینڈکیخلاف فیصل آبادمیں کیااورآخری میچ 4مارچ2003ء کوزمباوے کیخلاف بلاوایومیں کھیلا۔

ون ڈے انٹرنیشنل کرکٹ میں وہ356میچوں کی280اننگزمیں16.52کی اوسط سے3717رنزبناچکے ہیں۔جس میں6ہاف سنچریاں شامل ہیں باؤلنگ میں انہوں نے18186گیندوں پر11812رنزدے کر23.52کی اوسط سے502وکٹیں لیں اورفیلڈنگ کے دوران88کیچ پکڑے۔وسیم اکرم ٹیسٹ اورون ڈے دونوں میں400سے زائدوکٹیں لینے کااعزازحاصل کرچکے ہیں۔وہ دونوں میں دودومرتبہ ہیٹ ٹرک کرنے کااعزازبھی حاصل کرچکے ہیں۔وسیم اکرم ان دنوں مختلف سپورٹس چینلزپرکمنٹری کررہے ہیں اوراسکے علاوہ کوچنگ بھی کررہے ہیں۔وسیم اکرم نے شانیر ا تھامسن سے 2013میں دوسری شادی کی اس سے قبل انکی پہلی شادی ڈاکٹرہماسے ہوئی توانکی وفات کے بعدانہوں نے دوسری شادی کی۔