وفاقی حکومت کا پٹرولیم مصنوعات کی قیمتیں برقرار رکھنے کا فیصلہ
رمضان المبارک میں عوام کو ریلیف دینے کیلئے وزیراعظم کی ہدایات کی روشنی میں پٹرولیم مصنوعات کی قیمتیں بڑھانے سے متعلق اوگرا کی سمری منظور نہیں کی گئی وفاقی وزیر خزانہ سینیٹر اسحاق ڈار کی میڈیا کو بریفنگ
منگل 31 مئی 2016 22:33
اسلام آباد ۔ 31 مئی (اُردو پوائنٹ اخبارتازہ ترین - اے پی پی۔31 مئی۔2016ء) وفاقی حکومت نے ماہ جون کیلئے پٹرولیم مصنوعات کی قیمتیں برقرار رکھنے کا فیصلہ کیا ہے۔ رمضان المبارک کی آمد اور عوام کو ریلیف دینے کیلئے۔ وزیراعظم کی ہدایات کی روشنی میں پٹرولیم مصنوعات کی قیمتیں بڑھانے سے متعلق اوگرا کی سمری منظور نہیں کی گئی، اس بات کا اعلان وفاقی وزیر خزانہ سینیٹر اسحاق ڈار نے منگل کی شام میڈیا بریفنگ میں کیا۔
انہوں نے کہا کہ عالمی مارکیٹ میں قیمتیں بڑھنے کے باعث اوگرا نے پٹرولیم مصنوعات کی قیمتوں میں اضافے کی سمری بھیجی جس میں پٹرولیم کی قیمت میں 85 پیسے ہائی اوکٹین کی قیمت میں 2.18 روپے ، مٹی کے تیل کی قیمت میں 3.97 روپے ہائی سپیڈ ڈیزل کی قیمت میں 6.69 روپے اور لائٹ ڈیزل کی قیمت میں 4.40 روپے فی لٹر اضافے کی سفارش کی گئی ہے۔(جاری ہے)
وزیر خزانہ نے کہا کہ رمضان المبارک کی آمد کے پیش نظر اور وزیراعظم کے آئندہ بجٹ میں کسانوں کو ریلیف دینے سے متعلق ہدایات کی روشنی میں اوگرا کی سمری منظور نہیں کی گئی۔
حکومت نے پٹرولیم مصنوعات کی قیمتوں میں اضافہ نہ کرنے کا فیصلہ کیا ہے اور ماہ جون کے دوران قیمتیں موجودہ سطح پر برقرار رہیں گی۔ وزیر خزانہ نے کہا کہ پٹرولیم مصنوعات کی قیمتوں میں اضافہ نہ کرنے کی وجہ سے حکومت کو ساڑھے 8 ارب روپے کا بوجھ برداشت کرنا پڑے گا۔ تاہم اس سے رمضان المبارک میں اشیاء کی قیمتوں میں غیر ضروری اضافہ کو روکنے میں مدد ملے گی وزیر خزانہ اسحاق ڈار نے کہا کہ وزیراعظم نوازشریف کا کامیاب آپریشن ہوا ہے اور انہیں آئی سی یو میں منتقل کردیا گیا ہے۔ انہوں نے کہا کہ ہم سب دعا گو ہیں کہ وہ جلد صحت یاب ہوں اور وطن واپس آکر قوم کی رہنمائی کریں۔ انہوں نے کہا کہ بجٹ دستاویزات کی وزیراعظم سے منظوری آئینی تقاضا تھا جسے پورا کیاگیا ہے۔ وزیراعظم نے دل کے آپریشن سے چند گھنٹے پہلے قومی اقتصادی کونسل اور وفاقی کابینہ کے اجلاسوں کی صدارت کی اور اپنی قومی ذمہ داری نبھائی۔ وزیرخزانہ نے کہا کہ وزیراعظم کی دستخط شدہ بجٹ دستاویزات موصول ہوچکی ہیں۔متعلقہ عنوان :
مزید اہم خبریں
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
-
آرمی چیف جنرل سید عاصم منیر سے ترک چیف آف جنرل اسٹاف جنرل متین گیوراک کی ملاقات ، باہمی دلچسپی، دفاعی، تربیت اور علاقائی امن و استحکام کو فروغ دینے سمیت دیگر امور پر تبادلہ خیال
-
وزیرِ اعظم محمد شہباز شریف کی زیرِ صدارت بجلی شعبے کے حوالے سے اقدامات کے جائزہ پر اعلیٰ سطحی اجلاس کا دوسرا دور
-
وزیراعظم سے یورپی یونین کی سفیر کی ملاقات
-
وزیراعظم محمد شہباز شریف سے پاکستان میں یورپی یونین کی سفیر کی ملاقات
-
وزیرِ اعظم کی زیرِ صدارت بجلی شعبے کے حوالے سے اقدامات کے جائزے پر اعلی سطحی اجلاس کا دوسرا دور، بجلی کے ترسیلی نظام پر بریفنگ
-
سیاسی قیادت، اداروں، سول سوسائٹی اور نوجوانوں کی صلاحیتوں پر پورا اعتماد ہے،درپیش چیلنجز سے نمٹ سکتے ہیں ، صدر زرداری
-
پاکستان کو بے گناہ فلسطینیوں کے قتل ، اسرائیلی فوج کی جانب سے بڑے پیمانے پر نسل کشی پر گہری تشویش ہے، آصف علی زر داری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.