لاہور ہائیکورٹ کا پولیس کی غیر قانونی حراست سے بازیاب افراد کو رہا کرنے کا حکم

منگل 31 مئی 2016 11:47

لاہور (اُردو پوائنٹ اخبارتازہ ترین - آئی این پی۔31 مئی۔2016ء) لاہور ہائی کورٹ نے پولیس کی غیر قانونی حراست سے بازیاب ہونے والے 6 افراد کو رہا کرنے کا حکم دیدیا۔

(جاری ہے)

عدالت میں درخواست گزار علی احمد کی جانب سے شیخ وقاص ایڈووکیٹ پیش ہوئے اور موقف اختیار کیا کہ تھانہ صدر ڈسکہ پولیس نے 9 افراد کو غیر قانونی حراست میں رکھا اور تشدد بھی کیا۔ درخواست گزار کی جانب سے استدعا کی گئی کہ پولیس کی غیر قانونی حراست سے بازیاب کروایا جائے۔ عدالتی حکم پر بیلف نے 9 میں سے 6 افراد کو بازیاب کروا کے عدالت میں پیش کر دیا جن کو عدالت نے رہا کرنے کا حکم دیدیا اور ڈی پی او سیالکوٹ راجہ آصف کو باقی 3 افراد کو 2 جون تک بازیاب کروا کے عدالت میں پیش کرنے کا حکم دیدیا۔