امریکہ اور روس کا شام میں مشترکہ کاروائیوں پر اتفاق

میاں محمد ندیم پیر 30 مئی 2016 10:06

واشنگٹن(ا ردو پوائنٹ اخبارتازہ ترین-انٹرنیشنل پریس ایجنسی۔30مئی۔2016ء) امریکا اور روس کے وزراءخارجہ شام میں شدت پسند گروپ ’داعش‘ کے خلاف مشترکہ آپریشن پر تبادلہ خیال کیا ہے۔بین القوامی نشریاتی اداروں کے مطابق امریکی وزیرخارجہ جان کیری نے ٹیلیفون پر ماسکو میں اپنے ہم منصب سیرگئی لاوروف سے بات چیت کی۔ دونوں راہنماﺅں میں ہونے والی ملاقات میں شام کا مسئلہ سرفہرست رہا۔

(جاری ہے)

دونوں راہنماﺅں نے اس بات سے اتفاق کیا کہ شام میں جنگ بندی کے دائرے سے باہر آنے والے شدت پسندوں کے خلاف مشترکہ حکمت عملی اختیار کی جائے گی۔ادھر روسی وزارت خارجہ کی جانب سے جاری کردہ ایک بیان میں کہا گیا ہے کہ امریکی وزیرخارجہ جان کیری نے سیرگی لاوروف کو ٹیلیفون کیا۔ دونوں رہ نماو¿ں کے درمیان ٹیلیفون پر ہونے والی بات چیت میں شدت پسندوں کو شام میں داخلے سے روکنے کے لیے شام کی ترکی سے متصل سرحد سیل کرنے اور یوکرائن کے تنازع پر بھی بات چیت کی گئی۔

Facebook Twitter Google + Share on Whatsapp

امریکہ اور روس کا شام میں مشترکہ کاروائیوں پر اتفاق

متعلقہ عنوان :

مزید اہم خبریں