ملتان،جائیداد کے تنازع پر بے رحم بھائیوں نے حاملہ بہن اور بوڑھی ماں کو گھر میں قید کر دیا،پولیس نے بازیاب کروایا

اتوار 29 مئی 2016 22:06

ملتان (اُردو پوائنٹ اخبارتازہ ترین - آئی این پی۔29 مئی۔2016ء) ملتان میں جائیداد کے تنازع پر بے رحم بھائیوں نے حاملہ بہن اور بوڑھی ماں کو گھر میں قید کر دیا۔ پولیس نے موقع پر پہنچ کر دونوں کو بازیاب کروایا۔نیو ملتان کے علاقے میں سنگدل بھائیوں نے 6 مرلے مکان قبضے میں حاملہ خاتون اور ماں کو گھر میں بند کر دیا اور موقع سے فرار ہو گئے۔

(جاری ہے)

علاقہ مکینوں نے گھر سے خواتین کے چلانے کی آوازیں سنیں اور پولیس کو اطلاع دی جس پر پولیس تھانہ نیو ملتان نے کارروائی کرتے ہوئے دونوں بھائیوں کو گرفتار کیا۔

گھر کا تالا کھلوا کر دونوں خواتین کو بازیاب کروایا۔35 سالہ فرزانہ بی بی کا کہنا ہے کہ ہمارے دونوں بھائی ہم پر تشدد کرتے ہیں اور جو مکان ہماری ماں نے ہمارے نام کیا ہے اس پر قبصہ کرنا چاہتے ہیں۔ دوسری طرف پولیس تھانہ نیو ملتان نے کارروائی کرتے ہوے ندیم اور فہیم کو تھانے منقل کر دیا اور قانونی کارروائی شروع کر دی ہے۔