نیلسن مینڈیلا کی وصیت :وراثت میں ڈرائیور، سیکرٹری اور متعدد تعلیمی ادارے بھی حصہ دار
میاں محمد ندیم اتوار 29 مئی 2016 13:09
کیپ ٹاﺅن(ا ردو پوائنٹ اخبارتازہ ترین-انٹرنیشنل پریس ایجنسی۔29مئی۔2016ء) جنوبی افریقا میں نسل پرستی کے خلاف جدوجہد کی علامت آنجہانی نیلسن مینڈیلا کے انتقال کے بعد ان کی جائیداد ان کے ورثاء میں تقسیم کی گئی تو میراث پانے والوں میں منیڈیلا کے ڈرائیور، ان کی خاتون سیکرٹری اور متعدد تعلیمی ادارے بھی شامل ہیں۔ذرائع ابلاغ کے مطابق امن نوبل انعام یافتہ آنجہانی نیلسن مینڈیلا نے ترکے میں نوبل انعام کی 12 لاکھ یورو کی رقم چھوڑی تھی۔
اپنی وفات سے قبل انہوں نے وصیت کی تھی کہ ان کے ترکے سے ان کے ڈرائیور، خاتون سیکرٹری اور ان تعلیمی اداروں کو بھی حصہ دیا جائے جن میں وہ زیر تعلیم رہے ہیں۔جوہانسبرگ میں میراث کی تقسیم کی علامتی تقریب میں منیڈیلا کے ساتھ 23 سال تک ڈرائیور رہنے والے مائیک مبونیا نے 50 ہزار رانڈ یعنی 3200 ڈالر وصول کیے۔(جاری ہے)
اتنی ہی رقوم مینڈیلا کی خاتون سیکرٹری زیلدا لاگرانگ کو بھی ادا کی گئی۔
اس کے علاوہ مینڈیلا کی وصیت پر عمل کرتے ہوئے جنوبی افریقا کی فورٹ ھیر یونیورسٹی، کونو پرائمری اسکول اور الصفیح شہر میں قائم اورلانڈو ویسٹ اسکول کو بھی ترکے سے رقم ادا کی گئی۔نیلسن مینڈیلا کے ڈرائیور نے 3200 ڈالر کا چیک وصول کرتے ہوئے دکھ اور خوشی کے ملے جلے جذبات کا اظہار کیا۔ انہوں نے کہا کہ دنیا میں لوگ بڑی بڑی جائیدادیں چھوڑ کر جاتے ہیں مگر ان کی جائیدادوں میں ان کے حقیقی ورثاء کے سوا کسی کا کچھ کوئی حصہ نہیں ہوتا۔ نیلسن مینڈیلا کی وصیت سے یہ ثابت ہوتا ہے کہ وہ اپنے ساتھ کام کرنے والوں کے ساتھ کتنی محبت کرتے تھے اور کتنے سخی تھی۔نیلسن مینڈیلا کی کچھ جائیداد کا تنازع بھی چل رہا ہے۔ ان میں جنوبی صوبہ کاب میں واقع ایک مکان بھی شامل ہے جس کی ملکیت کا دعویٰ ان کے پہلی بیوی وینی مادیکیزیلا۔ مینڈیلا نے کر رکھا ہے۔خیال رہے کہ نیلسن مینڈیلا جنوبی افریقا میں نسل پرست نظام کے خلاف جدوجہد کرتے ہوئے 27 سال تک جیل میں قید رہے۔ رہائی کے بعد وہ ملک کے وزیراعظم بنے۔ سنہ 2013ءکو انہوں نے 95 سال کی عمر میں وفات پائی۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.