ہمارا ایٹم بم تکمیل دفاع اور تحفظ پاکستان کی ضمانت ہے، پوری قوم ملک کے ایٹمی پروگرام کو تکمیل تک پہنچانے والے سائنسدانوں اور سیاسی قیادت کو سلام پیش کرتی ہے
ایٹم بم کے خالق ڈاکٹر عبدالقدیر خان کے قریبی ساتھی انجینئر اعجاز احمد چوہدری ودیگر کا یوم تکبیرکے موقع پر منعقدہ تقریب سے خطاب
ہفتہ 28 مئی 2016 20:50
راولپنڈی (اُردو پوائنٹ اخبارتازہ ترین - آئی این پی۔28 مئی۔2016ء ) یوم تکبیر کے سلسلے میں انجمن فیض الاسلام میں منعقدہ ایک خصوصی تقریب سے خطاب کرتے ہوئے مقررین نے کہا ہے کہ ہمارا ایٹم بم تکمیل دفاع اور تحفظ پاکستان کی ضمانت ہے اور پوری قوم ملک کے ایٹمی پروگرام کو تکمیل تک پہنچانے والے سائنسدانوں اور سیاسی قیادت کو سلام پیش کرتی ہے اور ڈاکٹر عبدالقدیر خان اور ان کی ٹیم ، ایٹمی پروگرام کی بنیاد رکھنے والے ذوالفقار علی بھٹو سے لے کر ایٹمی دھماکے کرنے والے میاں نواز شریف کی احسان مندہے ․ تقریب سے خطاب کرنے والوں میں ایٹم بم کے خالق ڈاکٹر عبدالقدیر خان کے ساتھی انجینئر اعجاز احمد چوہدری ، صدر انجمن محمد صدیق اکبر میاں ، نائب صدر انجینئر عبدالرزاق ، پروفیسر نیاز عرفان اور راجا صابر حسین سمیت دیگر شامل تھے ․ انجینئرر اعجاز احمد چوہدری نے کہا کہ جس طرح قیام پاکستان قدرت کاملہ کا انعام اور ایک معجزہ تھا اسی طرح ایٹم بم بنانا بھی کسی معجزے سے کم نہیں کیونکہ اس ٹاسک کی تکمیل میں ہمیں بہت مشکلات جھیلنا پڑیں ․ انہوں نے کہا کہ پاکستان کا ایٹم بم بھارت کے ایٹم بم سے بہت بہتر اور زیادہ کارکردگی کا حامل ہے اور یہ بہت ہی محفوظ ہاتھوں میں ہے ․ ہمارا ایٹم بم پاکستان کی بقاء وسلامتی اور مضبوط دفاع کی ضمانت ہے ․ محمد صدیق اکبر میاں نے اپنے خطاب میں کہا کہ آج اگر ہمارے پاس ایٹم بم نہ ہوتا بھارت کی جانب سے بڑی جارحیت کا سامنا کر رہے ہوتے ․ ہمیں آج کئی دشمنوں کا سامنا ہے جن میں پڑوسی ممالک میں برسرپیکار دشمن قوتوں کے علاوہ جہالت ، غربت و افلاس اور تفرقہ بازی جیسے عناصر شامل ہیں ․ انہوں نے کہا کہ قوم اپنے اتحاد اور یک جہتی کے ساتھ ان تمام دشمنوں کا مقابلہ کر سکتی ہے ․ نائب صدر انجمن انجنئیر عبدالرزاق ، جو خود بھی ملک کے ایٹمی پروگرام کے ساتھ وابستہ رہے ہیں ، نے اپنے خطاب میں کہا کہ انجمن فیض الاسلام میں اس خصوصی تقریب کے انعقاد کا مقصد انجمن کے بچوں کو قومی مشاہیر اور ان کے کارناموں سے روشناس کرانا ہے ․ انہوں نے کہا کہ ڈاکٹر عبدالقدیر خان اور ان کی ٹیم کے اراکین نے شب و روز وقت کی پرواہ کئے بغیر انتھک محنت کی اور اس کے نتیجے میں پاکستان ایٹمی قوت بنا․ اس موقع پر انجمن کے سکولوں کے بچوں نے ملی نغمے اورکلام اقبال بھی پیش کیا ۔
متعلقہ عنوان :
مزید اہم خبریں
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
-
اٹلی کے وزیر خارجہ انتونیو تاجانی کی ایران کے شہراصفہان پراسرائیلی حملے کی تصدیق
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.