پنجاب کے مختلف شہروں میں تیز ہواوٴں کے ساتھ بارش، مو سم خوشگوار

جمعہ 27 مئی 2016 11:35

لاہور(اُردو پوائنٹ اخبارتازہ ترین - آئی این پی۔27 مئی۔2016ء) فیصل آباد، ملتان اور فورٹ عباس سمیت دیگر شہروں میں تیز ہواوٴں اور بارش کے بعد موسم خوشگوار ہو گیا جبکہ خراب موسم کے باعث ملتان ائیرپورٹ کو پروازوں کے لیے بند کر دیا گیا ہے۔

(جاری ہے)

ایئر پورٹ حکام کے مطابق موسم کی خرابی کے باعث متعدد پروازوں کا شیڈول متاثر ہوا ہے۔ موسم بہتر ہونے کے بعد ائیرپورٹ کو فنکشنل کر دیا جائے گا۔ ذرائع کے مطابق خراب موسم کے باعث نجی کمپنی کی جدہ سے ملتان جانے والی پرواز 871 کو علامہ اقبال انٹرنشنل ایئر پورٹ لاہور میں اتار لیا گیا۔ جس پر مسافروں نے ہنگامہ آرائی کی۔