اپوزیشن کو کمزور کرنے سے حکومت کو کوئی سیاسی فائدہ حاصل نہیں ہوگا ، مضبوط اپوزیشن ہی مضبوط جمہوریت کی ضمانت ہوتی ہے ، پانامہ ایشو پر اگر ایک ممبر بھی کھڑا رہا تو پانامہ لیکس والوں کو اس کیلئے جواب دہ ہونا پڑے گا ،حکومت نے خود پانامہ لیکس کواچھالا
قومی اسمبلی میں قائد حزب اختلاف خورشید احمد شاہ کی میڈیا سے گفتگو
منگل 24 مئی 2016 22:05
اسلام آباد(اُردو پوائنٹ اخبارتازہ ترین - آئی این پی۔24 مئی۔2016ء) قومی اسمبلی میں قائد حزب اختلاف سید خورشید احمد شاہ نے کہا ہے کہ اپوزیشن کو کمزور کرنے سے حکومت کو کوئی سیاسی فائدہ حاصل نہیں ہوگا کیوں کہ مضبوط اپوزیشن ہی مضبوط جمہوریت کی ضمانت ہوتی ہے ، پانامہ ایشو پر اگر ایک ممبر بھی کھڑا رہا تو پانامہ لیکس والوں کو اس کیلئے جواب دہ ہونا پڑے گا حکومت نے خود پانامہ لیکس کو اس انداز میں اچھالا کہ جس سے یہ تاثر ابھرا کہ شائد یہ صرف اور صرف وزیر اعظم اور ان کے خاندان کا مسئلہ ہے ،حالانکہ ہم نے ہمیشہ کہا کہ اس میں ملوث تمام کرداروں کا بلا تفریق احتساب ہونا چاہئے۔
لیکن وزیر اعظم چونکہ سربراہِ حکومت بھی ہیں اس لئے ملک و قوم کے مفاد میں ضروری ہے کہ ان کے خاندان سے متعلق جلد از جلد معاملہ نمٹایا جائے۔(جاری ہے)
منگل کو میڈیا سے گفتگو میں انہوں نے کہا کہ آج جب وزیر اعظم اپنے بیرونی دوروں میں وہاں مقیم پاکستانیوں سے یہ کہتے ہیں کہ پاکستان میں سرمایہ کاری کریں تو یہ ان کی یہ بات اخلاقی جواز سے خالی اور بے معنی معلوم ہوتی ہیلیکن اگر وہ اس معاملے سے صاف و شفاف ہو کر نکلتے ہیں تو پھر وہ بھر پور اخلاقی اور سیاسی قوت کے ساتھ ملک میں سرمایہ کاری کی بات کر سکتے ہیں۔
سید خورشید احمد شاہ نے کہا کہ اپوزیشن اور حکومت کے پاس یہ سنہرا موقع ہے کہ وہ ثابت کریں کہ جمہوریت انصاف ، برابری اور رواداری کی خوبیوں کی حامل ہے اور یہ خوبیاں طاقتور اور کمزور‘ امیر اور غریب ، حکمران اور عوام سب کیلئے برابر اور یکساں ہے۔قائد حزب اختلاف نے کہا کہ صرف اور صرف انصاف اور اصول پسندی کے ذریعے ہی جمہوریت کو مضبوط کیا جا سکتا ہے اور پانامہ لیکس اس بات کا امتحان ہے کہ ایا ہم ذاتیات کے چکر میں اس معاملے کو الجھاتے ہیں یا انصاف اور اصول پسندی کے تقاضوں کے مطابق اسے منطقی انجام تک پہنچاتے ہیں۔ انہوں نے کہا کہ پیپلز پارٹی کو یہ فخر حاصل ہے کہ اس کے دو وزرائے اعظم نے جان کی قربامی دی اور اس پارٹی کے ہر وزیر اعظم نے اقتدار کو ہمیشہ قبل از وقت قربان کیا لیکن کبھی بھی عوام اور جمہوریت کے مفاد کے منافی کوئی سمجھوتہ نہیں کیا۔ انہوں نے کہا کہ پانامہ لیکس پر حکومت اور اپوزیشن کے ارکان پر مشتمل کمیٹی میں تجربہ کار سیاستدان شامل ہیں جنہوں نے ماضی کے تلخ و شیریں تجربات سے بہت کچھ سیکھ رکھا ہے اس لئے امید ہے کہ وہ اپنے ہر اقدام میں عوام ، انصاف ، اور جمہوریت کے تقاضوں کو پیش نظر رکھتے ہوئے اگے بڑھیں گے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.