65ارب کی اووربلنگ، چیف جسٹس نیپرا کی رپورٹ پرایکشن لیں‘عوامی تحریک کا خط
نیپرا نے انکشاف کیا ہے حکومت نے 2015ء میں عوام سے 65ارب اضافی رقم وصول کی
منگل 24 مئی 2016 19:51
لاہور(اُردو پوائنٹ اخبارتازہ ترین - این این آئی۔24 مئی۔2016ء ) پاکستان عوامی تحریک کے سیکرٹری جنرل خرم نواز گنڈاپور نے چیف جسٹس آف سپریم کورٹ کے نام خط لکھا ہے جس میں انہوں نے کہا کہ چیف جسٹس مفادات کی مشترکہ کونسل میں پیش ہونے والی نیپرا کی رپورٹ پر حکومت سے جواب طلب کریں ۔نیپرا نے اپنی رپورٹ میں انکشاف کیا ہے کہ 2015 ء میں خفیہ سرچارجز لگا کر بجلی کے صارفین سے 65ارب روپے اضافی وصول کیے گئے۔
انہوں نے کہا کہ چیف جسٹس اس حکومتی ڈاکے کا نوٹس لیں اور ذمہ داروں کے خلاف کارروائی کے ساتھ ساتھ عوام سے لوٹی گئی دولت انہیں واپس دلائیں۔ خرم نواز گنڈاپور نے کہا کہ حکومتیں عوام کو ریلیف دیتی ہیں مگر موجودہ حکمرانوں نے غریب عوام کو لوٹنے کے اگلے پچھلے تمام ریکارڈ توڑ دئیے ہیں۔(جاری ہے)
انہوں نے کہا کہ حکمران ایک طرف دعوے کرتے ہیں کہ وہ سستی بجلی کی فراہمی کیلئے ماہانہ اربوں روپے کی سبسڈی دے رہے ہیں جبکہ نیپرا کی رپورٹ بتارہی ہے حکومت بجلی کے صافین کی جیبوں پر ڈاکے ڈال رہی ہے۔
انہوں نے کہا کہ حیرت ہے مفادات کی مشترکہ کونسل میں کے کسی صوبہ کے عوامی نمائندے نے تاحال اس پر اپنا احتجاج ریکارڈ نہیں کروایا۔ انہوں نے کہا کہ چاروں صوبائی اسمبلیوں بشمول سینیٹ اور قومی اسمبلی میں بھی کسی رکن اسمبلی نے اس قومی ڈاکے پر صدائے احتجاج بلند نہیں کی اور نہ ہی اپوزیشن کی کسی جماعت نے تاحال اسمبلی میں کوئی قرارداد جمع کروائی اور نہ تحریک التواء۔ انہوں نے کہا کہ حکومت عوام کو لوٹ رہی ہے اور اپوزیشن بھی مفاد عامہ کے تحفظ میں عوامی امنگوں کی ترجمانی کرنے میں ناکام ہے۔ انہوں نے کہا کہ لوڈشیڈنگ کم کرنے کی آڑ میں دھڑا دھڑ غیر ملکی قرضے بھی لیے جارہے ہیں۔ پاور سٹیشنز کے افتتاح بھی ہورہے ہیں۔ گردشی قرضے بھی ادا ہورہے ہیں اربوں کی اووربلنگ بھی ہورہی ہے اس کے باوجود لوڈشیڈنگ کا دورانیہ 18 گھنٹے ہے جس کی وجہ سے زندگی کا پہیہ جام ہو چکا ہے۔خرم نواز گنڈاپور نے کہا کہ نواز ،شبہاز حکومت توانائی کا بحران حل کرنے میں مکمل طور پر ناکام ہو چکی ہے ۔قوم کو تین سال سے ایم او یو سائن کرنے ،پاور سٹیشنز کے افتتاح کرنے پر ٹرخایا گیا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.