پاکستان اور چین عالمی امور پر یکساں موقف رکھتے ہیں‘ سیکرٹری خارجہ

منگل 24 مئی 2016 13:24

اسلام آباد (اُردو پوائنٹ اخبارتازہ ترین - آئی این پی۔24 مئی۔2016ء) سیکرٹری خارجہ اعزاز چوہدری نے کہا ہے کہ چین کی سرمایہ کاری سے نہ صرف پاکستان کو بلکہ پورے خطے کو فائدہ ہوگا‘ پاکستان اور چین عالمی امور پر یکساں موقف رکھتے ہیں‘ ترقیاتی منصوبے پاک چین دوستی کا منہ بولتا ثبوت ہیں۔وہ منگل کو یہاں پاک چین سفارتی تعلقات کے قیام کی 65 ویں سالگرہ کے حوالے سے منعقدہ سیمینار سے خطاب کررہے تھے۔

(جاری ہے)

انہوں نے کہا کہ پاک چین دوستی ہر آزمائش پر پورا اتری ہے۔ پاکستان اور چین کے تہذیب و ثقافت اور تاریخ پر مبنی تعلقات ہیں گزشتہ تین سالوں میں پاکستان اور چین کے تعلقات نئی بلندیوں پر پہنچے ہیں۔ انہون نے کہا کہ چین کی سرمایہ کاری سے نہ صرف پاکستان کو بلکہ پورے خطے کو فائدہ ہوگا‘ پاکستان اور چین عالمی امور پر یکساں موقف رکھتے ہیں‘ ترقیاتی منصوبے پاک چین دوستی کا منہ بولتا ثبوت ہیں۔

متعلقہ عنوان :