ملا منصور کی پاکستان میں ہلاکت حکومت اور ریاستی اداروں کیلئے سوالیہ نشان ہے، زاہد خان
دہشت گردوں کے سرپرستوں، سہولت کاروں اور اڈوں کو ختم کئے بغیر پاکستان پر عالمی دباؤ میں اضافہ ہو گا افغانستان اور پاکستان کی حکومتیں اور ریاستی ادارے عوام کے درمیان براہ راست رابطوں کو مضبوط بنائیں،عوامی نیشنل پارٹی کے مرکزی سیکرٹری اطلاعات
پیر 23 مئی 2016 20:47
پشاور(اُردو پوائنٹ اخبارتازہ ترین - این این آئی۔23 مئی۔2016ء) عوامی نیشنل پارٹی کے مرکزی سیکرٹری اطلاعات زاہد خان نے کہا ہے کہ مطلوب دہشت گردوں کی پاکستانی سرزمین پر ڈرون حملوں میں ہلاکتوں کی وجہ سے اقوام عالم میں ہمارا تشخص بری طرح مجروح ہو رہا ہے، مطلوب طالبان رہنما ملا منصورکی پاکستانی سرزمین پر امریکی ڈرون حملے میں ہلاکت ولی محمد کے نام سے پاسپورٹ، ملا منصور کے لاحقین کی طرف سے لاش کو پہچاننے اور امریکہ و پاکستان کی جانب سے متضاد بیانات پر تبصرہ کرتے ہوئے زاہد خان نے کہا کہ اسامہ بن لادن کے بعد ملا منصور کی پاکستان میں ہلاکت حکومت ریاست اور اداروں کیلئے سوالیہ نشان ہے، انہوں نے کہا کہ عوامی نیشنل پارٹی اپنی سرزمین کسی دوسرے ملک کے خلاف اور کسی دوسرے ملک کی سرزمین پاکستان کے خلاف استعمال کرنے کی پہلے دن سے مخالف رہی ہے، انہوں نے مزید کہا کہ دہشت گردوں کے سرپرستوں، سہولت کاروں اور دہشت گردوں کے اڈوں کو ختم کئے بغیر پاکستان پر عالمی دباؤ میں اضافہ ہو گا،ولی محمد کے نام سے پاسپورٹ کی برآمدگی سے دنیا میں پاکستان کی جگ ہنسائی ہوئی ہے،انہوں نے مطالبہ کیا کہ افغان جہاد کے امریکی و یورپی ڈالروں،عربی ریالوں کی تحقیقات کے ذریعے افغان جہاد سے مالی فوائد حاصل کرنے اور افغان جہادی رقوم کو اب بھی دہشت گردی کیلئے استعمال کرنے والوں کو بے نقاب کیا جائے، انہوں نے کہا کہ افغانستان اور پاکستان کے اعتماد اور اعتبار پر مبنی تعلقات سے ہی دہشت گردی کا خاتمہ ممکن ہے افغانستان اور پاکستان کی حکومتیں اور ریاستی ادارے عوام کے درمیان براہ راست رابطوں کو مضبوط بنائیں تا کہ دونوں ملک دہشت گردی کی دلدل سے باہر نکل سکیں، زاہد خان نے کہا کہ آمروں نے بین الاقوامی ایجنڈے کے تحت پاکستان کے مستقبل کو داؤ پر لگایا تاہم پاکستان خطے کے تمام ممالک کے ساتھ ہمسائیگی کو مضبوط بنائے تا کہ بین الاقوامی سطح پر خطے میں عدم استحکام کی سازشوں کو ناکام بنایا جا سکے۔
متعلقہ عنوان :
مزید اہم خبریں
-
گوجرانوالہ،سفاک چچا اور چچی کامبینہ طورپربچے پرڈنڈوں سے تشدد،7سالہ بچہ جاں بحق
-
شہبازشریف نے پی پی 164میں ضمنی انتخاب کیلئے رانا راشد منہاس کو پارٹی ٹکٹ جاری کر دیا
-
پی آئی اے پرواز کی خاتون فضائی میزبان کو ٹورنٹوائیرپورٹ پر حراست میں لے لیاگیا
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
اینٹی کرپشن عدالت نے پرویزالٰہی اورمحمد خان بھٹی کو فرد جرم عائد کرنے کیلئے 4اپریل کو طلب کرلیا
-
کیا جرمنی شام کی اسد حکومت کی بالواسطہ مالی مدد کر رہا ہے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.